Il-Kapijiet tal-istati membri tal-UE fi tmiem din il-ġimgħa jiltaqgħu fi Brussell għas-Summit Ewropew. Dan is-Summit mistenni jkun iddominat mill-politika tal-kummerċ tal-UE li qed tkun ikkritikata minħabba l-ftehim mal-Kanada, in-negozjati li għaddejjin mal-Istati Uniti dwar TTIP, il-kompetizzjoni inġusta miċ-Ċina bil-produzzjoni żejda tal-azzar, u l-kummerċ mal-Ġappun. L-opinjoni pubblika fl-Ewropa daret kontra l-UE f’dan ir-rigward u l-Kunsill irid jirreaġixxi għat-tħassib taċ-cittadini Ewropej.
Suġġetti oħra fuq il-mejda tad-diskussjoni se jkunu fuq ir-rotot tal-immigranti mill-punent tal-Balkani, il-ftehim tal-UE mat-Turkija dwar l-immigrazzjoni u l-proposti tal-Kummissjoni Ewropea biex ikunu identifikati dawk li jivvjaġġjaw fi ħdan l-Unjoni Ewropea. Il-Ministri tal-Intern tal-UE diġa` approvaw dokument li jħaffef ir-ritorn tal-immigranti lejn pajjiżhom.
L-involviment tar-Russja fis-Sirja wkoll mistenni jkun diskuss. Is-sanzjonijiet tal-UE kontra r-Russja reġgħu ġew estiżi f’Ġunju li għadda u jibqgħu fis-seħħ sa Jannar 2017. Ftit jidher li hemm possibilta` li jkunu mtawla aktar minkejja l-bumbardamenti ta’ Aleppo.
Fis-Summit mistennija wkoll interventi mill-Olanda u mir-Renju Unit. Il-Prim Ministru Olandiż Mark Rutte mistenni jindirizza l-Kunsill dwar ir-riżultati tar-Referendum f’pajjiżu li ma approvax it-trattat ta’ Assoċċjazzjoni bejn l-UE u l-Ukraina.
Il-Prim Ministru Theresa May, fl-ewwel dehra tagħha f’Summit tal-UE, mistennija tagħti l-ewwel reazzjoni tagħha dwar il-BREXIT, iżda xejn ġdid mhu mistenni li jingħad f’dan il-qasam. Ħafna qed jistennew ir-reazzjoni tal-Kunsill dwar l-implikazzjonijiet finanzjarji tal-BREXIT għas-27 pajjiż li se jkun baqa’ fl-Unjoni Ewropea. Dan huwa importanti ħafna biex l-Ewropa tilqa’ għall-isfidi ġodda li għandha quddiemha.
SFIDI ĠODDA GĦALL-EWROPA
Read More L-IMPLIKAZZJONIJIET FINANZJARJI TAL-BREXIT GĦANDHOM IKUNU SPJEGATI
Read MoreREAZZJONIJIET KONTRASTANTI GĦALL-BREXIT
Read MoreIL-ĠERMANJA U L-AWSTRIJA JESTENDU L-KONTROLLI FUQ IL-FRUNTIERI
Read MoreAPPROVAT RAPPORT TA’ ALFRED SANT DWAR PRIJORITAJIET EKONOMIĊI TAL-UE
Read MoreL-EWROPA BŻONN RIFORMI LI JINKORAĠĠIXXU L-INVESTIMENTI
Read MoreMHUX KULL PAJJIŻ QED IŻOMM ID-DETTALJI TAL-PASSIĠĠIERI MIL-LINJI TAL-AJRU
Read MoreB’€1 IL-PARLAMENT EWROPEW JAKKWISTA MUŻEW
Read More
Post a comment