SPANJA FAVUR ĦABS GĦALL-POLITIĊI KATALANI

Il-Gvern Spanjol qal lil Donald Tusk u lil Jean-Claude Juncker li r-referendum Katalan ma rrispettax il-Kostituzzjoni Spanjola u għadda biss mill-Parlament Katalan. Il-Gvern ċentrali Spanjol iddefenda d-deċiżjoni tiegħu li jitfa’ l-ħabs bosta politiċi Katalani. Il-Prim Ministru Rajoy saħaq li erba’ persuni biss weġġgħu waqt il-ġurnata tal-votazzjoni u mhux 900.

Il-Gvern Spanjol kien qed iwieġeb ittra miftuħa ffirmata minn bosta Ewroparlamentari li akkużaw lill-awtoritajiet Spanjoli bi ksur tas-saltna tad-dritt fir-referendum Katalan tal-1 ta’ Ottubru.