SUPER MINISTRU TAL-FINANZI GĦAŻ-ŻONA EWRO

Iż-żona ewro teħtieġ governanza aħjar, teħtieġ li jkollha l-baġit tagħha. Dan jista’ jsir billi jkun hemm ministru tal-finanzi taż-żona ewro. Pierre Moscovici, il-Kummissarju tal-Ekonomija u l-Finanzi qal li huwa jaqbel li dan is-super-ministru jkun wieħed mill-Kummissarji Ewropej.

Moscovici mar lil hinn minn dak li ssuġġerixxa ftit ilu l-ministru tal-ekonomija Franċiż Emmanuel Macron, dwar il-ħolqien ta’ ministru tal-finanzi għall-ewro b’kompetenzi estiżi. Ħaġa bħal din tista’ ssir billi jitħalltu żewġ kompetenzi li għalissa huma separati, kif ġara fil-qasam tal-affarijiet barranin, bil-ħolqien tar-Rappreżentant Għoli tal-UE.

Il-Kummissarju Ewropew qal ukoll li huwa favur il-ħolqien ta’ parlament taż-żona ewro biex l-ewro tkun aktar valida f’għajnejn il-popli ewropej.