Il-President tas-Serbja Aleksandar Vučić talab lill-istati Balkani l-oħra jsolvu d-differenzi u joħolqu suq komuni bejniethom biex jattiraw l-investiment dirett barrani.
Il-kunflitt bl-armi fil-Balkani intemm aktar minn 18-il sena ilu iżda l-istati li kienu jifformaw il-Jugoslavja – Bosnia-Herzegovina, Maċedonja, Montenegro, Kosovo u Serbja –għadhom jitlewmu bejniethom speċjalment minħabba l-fruntieri ta’ pajjiżhom.
Dawn l-istati kollha, u magħhom l-Albanija, qed jaspiraw li jsiru membri tal-Unjoni Ewropea. L-UE talbithom jirranġaw ir-relazzjonijiet ta’ bejniethom qabel jissieħbu magħha. Iżda minn dan il-lat ftit sar progress.
Fil-belt medjevali ta’ Mostar fil-Bosnija-Herzegovina Aleksandar Vučić qal li jeħtieġ li s-sitt pajjiżi jaħdmu aktar flimkien biex joħolqu ambjent aħjar għall-investiment.
“Maqsumin fi stati żgħar u fi swieq iżgħar, ma għandna xejn lejn xiex naspiraw. L-uniku tama li għandna biex nilħqu mal-kumplament tad-dinja huwa li fil-futur noħolqu suq akbar. Suq ta’ dan it-tip jista’ jattira aktar investituri, joħloq l-impjiegi u proġetti akbar u jiġġenera tkabbir u żvilupp.” qal Vučić.
Vučić jemmen li l-kooperazzjoni ekonomika tgħin fl-istabilita` u l-paċi tar-reġjun, fejn it-tensjonijiet etniċi għadhom iservu ta’ ostaklu għall-progress ekonomiku.
L-idea ta’ suq komuni fil-Balkani jfisser li jitneħħew l-ostakli għall-kummerċ, idea li l-Kummissjoni Ewropea ilha tisħaq dwarha għal ħafna snin. L-Unjoni Ewropea qed tittama li jintlaħaq ftehim fis-summit tat-12 ta’ Lulju fl-Italja u jinħoloq suq ħieles bejn l-istati Balkani fi żmien sena.
APPOĠĠ LILL-GŻEJJER U R-REĠJUNI FIL-PERIFERIJA TAL-UE
Read More
FERMENT KONTRA ORBAN
Read More
25,300 TILFU ĦAJJITHOM FIT-TOROQ TAL-EWROPA FL-2017
Read More
INĊIDENT TERRORISTIKU KULL SITT IJIEM FL-EWROPA
Read More
KUMMERĊ MAL-ISTATI UNITI U Ċ-ĊINA
Read More
SUQ KOMUNI GĦALL-ISTATI BALKANI
Read More
TĦASSSIB DWAR L-EWWEL IMPJANT NUKLEARI TAT-TURKIJA
Read More
IL-MAROKK F’INIZJATTIVA DWAR L-ILMA U L-IKEL FIL-MEDITERRAN
Read More
Post a comment