TAJANI IFAĦĦAR LIL MUSSOLINI

Il-President tal-Parlament Ewropew Antonio Tajani qiegħed fil-mira tal-kontroverjsa minħabba kummenti dwar il-faxxist Benito Mussolini. Tajani qal li Mussolini wettaq affarijiet tajbin għall-Italja. Huwa ġie ikkritikat bl-aħrax għat-tifħira lil Mussolini.

F’intervista fuq programm popolari tar-radju “La Zanzara” (in-nemusa), Tajani ġie ikkwotat li qal hekk: “Mussolini? Sakemm iddikjara gwerra kontra d-dinja, sakemm ingħaqad ma’ Hitler, sakemm daħħal liġijiet razzisti kontra l-Lhud, apparti l-qtil ta’ Matteotti ….. Mussolini ħadem ħafna biex ħa lura partijiet mill-Italja.”

“Wieħed irid ikun oġġettiv. Jien minix Faxxist, qatt ma kont, ma naqbilx mal-ħsibijiet politiċi ta’ Mussolini. Imma jekk irridu nkunu onesti ….bena t-toroq, pontijiet, bini ….. irranġa ħafna mill-Italja.”

Tajani ikkummenta ħafif ħafif fuq il-qtil tas-Soċjalista Taljan Giacomo Matteotti. Matteotti kien kritiku ewlieni ta’ Mussolini fil-Parlament Taljan fis-snin għoxrin. Mussolini kien ordna l-qtil ta’ Matteotti li nstab mejjet ġimgħat wara fl-imwarrab fejn remewh il-faxxisti Taljani wara li qatluh.

Il-Kap tas-Soċjalisti Ewropej Udo Bullman ikkritika bl-aħrax lil Tajani.

“Ma nistax nemmen li smajt. Kif jista’ President tal-Parlament Ewropew jitkellem hekk fuq dittatur faxxista?  Hemm bżonn kjarifika!”

Tajani irreaġixxa billi qal li ġie miżinterpretat.

Ftit kienu impressjonat b’din id-dikjarazzjoni.