TAL-VISEGRAD IRIDU AKTAR SOVRANITA`

Il-grupp tal-Visegrad, li jikkonsisti mir-Repubblika Ċeka, Ungerija, Polonja u Slovakkja ftiehmu li jimbottaw l-argument favur aktar sovranita` għall-pajjiżi membri fl-Unjoni Ewropea. Il-mexxejja ta’ dawn il-pajjiżi ltaqgħu f’Varsavja fejn ftiehmu li jieħdu l-istess pożizzjonijiet f’oqsma li qablu dwarhom fis-summit li ġej bejn is-27 pajjiż membru, li mistenni jsir f’Settembru fi Bratislava. Fis-summit se jkunu diskussi l-konsegwenzi tal-‘Brexit’ fuq il-futur tal-Ewropa. L-Istati Membri tal-Visegrad wiegħdu lil xulxin li se jargumentaw favur riforma fl-Unjoni Ewropa bbażata fuq iktar sovranita` għall-parlamenti nazzjonali, tisħiħ tas-suq intern, u inqas integrazzjoni.