L-Ewropa qed issir aktar dipendenti mir-Russja għall-gass. L-industrija tal-gass Russa Gazprom qalet li għas-sena 2017 għamlet konsenji rekord li jlaħħqu l-193.9 biljun metru kubu ta’ gass lejn l-Unjoni Ewropea u t-Turkija. Il-persentaġġ huwa 8% aktar minn dak tas-sena 2016 li kienet sena rekord oħra għal bejgħ tal-gass mir-Russja.
Dawn ir-riżultati mhumiex biss suċċess ekonomika għall-kumpanija, iżda huma wkoll rebħa politika fi żmien meta r-relazzjonijiet diplomatiċi tal-UE mar-Russja huma bierda ħafna.
Iċ-ċifri juru li d-domanda mill-Ewropa qed tikber. Il-konsenji lejn il-Ġermanja u l-Awstrija laħqu livelli rekord u l-konsenji għal Franza żdiedu b’6.7% meta kkomparat mal-2016.
Fost ir-raġunijiet li qed iġiegħlu lill-pajjiżi Ewropej jixtru aktar gass mir-Russja huma l-prezz kompetittiv tal-gass mir-Russja, ix-xtiewi kesħin u l-għeluq ta’ power stations nukleari fil-Ġermanja.
L-Industrija Russa qed tkabbar l-infrastruttura u żżid il-pajpijiet biex tesporta l-gass lejn in-nazzjonijiet Ewropej tas-sud tal-Ewropa, aktar pajpijiet lejn it-Turkija u lejn l-Istati Baltiċi. L-Unjoni Ewropea qed tirreżisti dawn il-proġetti. Brussell tixtieq tnaqqas id-dipendenza tal-gass u għandha l-mira li tgħin lill-istati membri jużaw sorsi differenti tal-enerġija. Iżda s’issa d-dipendenza fuq il-gass li ġej mir-Russja żdiedet mhux naqset tant li terz tal-gass li jintuża fl-Ewropa ġej mir-Russja.
ANQAS SIĠĠIJIET FIL-PARLAMENT EWROPEW
Read More
MHUX KREDIBBLI MILL-BIDU SAL-AĦĦAR
Read More
TERZ TAL-GASS FL-EWROPA ĠEJ MIR-RUSSJA
Read More
DISA’ PAJJIŻI MSEJĦA BRUSSELL MINĦABBA L-KWALITA` TAL-ARJA
Read More
MIL-LISTA S-SEWDA GĦAL-LISTA L-GRIŻA
Read More
INĠUSTIZZJA MAL-BULGARIJA
Read More
Il-PRIJORITAJIET TAL-KUMMISSJONI GĦALL-2018
Read More
GĦARFIEN AKBAR DWAR L-ISTATI FIL-PERIFERIJA TAL-EWROPA
Read More
Post a comment