TĦASSSIB DWAR L-EWWEL IMPJANT NUKLEARI TAT-TURKIJA

 

Ġimgħa wara li nbeda x-xogħol ta’ kostruzzjoni fl-ewwel power station nukleari fit-Turkija, mibnija mir-Russi, il-Kummissjoni Ewropea qiegħda f’kuntatt mal-awtoritajiet Torok biex tiżgura li l-futur tal-impjant nukleari Tork jilħaq il-livelli tas-sigurta` Ewropej.

“Il-protezzjoni taċ-ċittadini Ewropej u tal-ambjent hija l-prijorita` tal-Kummissjoni Ewropea. Bil-kuntatt tagħha mat-Turkija, il-Kummissjoni qed tiżgura li l-futur ta’ impjanti nukleari għall-ġenerazzjoni tal-enerġija jkunu mibnija, kummissjonati u mħaddma b’sigurta`,” qalet kelliema tal-Kummissjoni.

Fl-ewwel żjara tiegħu fit-Turkija wara li reġa’ ġie elett, il-President Russu Vladimir Putin u l-President Tork Recep Tayyip Erdogan, nidew il-bidu tal-kostruzzjoni tal-ewwel impjant nukleari tat-Turkija f’Akkuyu – fil-kosta t’isfel ta’ dan il-pajjiż – faċċata tal-kosta Ċiprijotta.

Huwa stmat li l-kostruzzjoni tal-impjant se jiswa mal-€16.5 biljun dollaru, u se jsir mill-grupp Russu Rosatom. Il-pjan hu li l-ewwel reattur jibda jaħdem sas-sena 2023.