Il-Kummissjoni Ewropea ħabbret li se tadatta r-regoli tal-Kodiċi tax-Schengen biex iwieġbu aħjar għat-theddid dwar is-sigurta` li qed jaffaċċjaw numru ta’ stati membri. Minħabba t-talbiet ta’ stati membri bħal Franza u l-Ġermanja, il-Kummissjoni qablet li tirrevedi r-regoli. L-istati membri se jitħallew jagħmlu kontrolli temporanji fuq il-fruntieri tagħhom għal perijodu ta’ sena (bħalissa l-kontrolli għandhom limitu ta’ żmien ta’ sitt xhur). Dan il-perijodu jista’ jiġġedded għal sentejn oħra.
B’din il-proposta, jekk tikseb kunsens kif inhi fil-Kunsill tal-Unjoni Ewropea u fil-Parlament Ewropew, l-istati membri jkunu jistgħu jagħmlu l-kontrolli sa massimu ta’ tliet snin. Taħt ir-regoli attwali l-kontrolli jistgħu jsiru biss sa perijodu massimu ta’ sentejn.
Il-proposta tal-Kummissjoni ma rriflettitx eżatt it-talba ta’ xi stati membri. Franza, flimkien mal-Ġermanja, Svezja, Danimarka u Awstrija qed jagħmlu kontrolli temporanji fuq il-fruntieri tagħhom. F’ittra lill-Kummissjoni xtaqu jestendu l-kontrolli għal perijodu ta’ erba’ snin minħabba t-theddid tat-terroriżmu.
Il-Kummissarju Ewropew tal-Affarijiet Interni Dimitris Avrampoulos qal li din ir-riforma ma tfissirx it-tmiem taż-żona ħielsa, anzi r-riforma ssaħħaħ lix-Schengen quddiem ċertu theddid.
Ir-riforma għad trid tiġi eżaminata mill-Kunsill u mill-Parlament u taf tieħu x-xhur biex tiġi implimentata. Intant pajjiżi bħall-Awstrija, Danimarka, Ġermanja, Svezja u Norveġja jridu jsibu soluzzjoni oħra għal kontrolli għaliex f’Novembru jiskadilhom iż-żmien u ma jistgħux iġeddu l-permess aktar biex iwettqu l-kontrolli fuq il-fruntieri tagħhom. Mhux eskluż li dawn il-pajjiżi jkollhom jużaw bażi legali oħra biex ikunu jistgħu jibqgħu għaddejjin bil-kontrolli.
L-ISTESS ŻARBUN GĦAL MALTA
Read MoreL-EWWEL INTOPPI GĦALL-FUTUR TAL-EWROPA
Read MoreIL-KATALONJA FIL-LIMBU
Read MoreMITT NEGOZJU BRITANNIKU JITOLBU TRANŻIZZJONI SA TLIET SNIN WARA L-BREXIT
Read MoreL-EWWEL KONKLUŻJONIJIET DWAR IT-TURKIJA GĦAL NOFS OTTUBRU
Read MoreBUDAPEST TWIEGĦED BATTALJA POLITIKA U LEGALI
Read MoreTIBDIL FIR-REGOLI TAX-SCHENGEN
Read MoreIL-KE TRID ISSAĦĦAĦ IŻ-ŻONA EWRO
Read More
Post a comment