VERDETT FUQ MACRON

Fi Franza l-partiti politiċi qed joħorġu numru rekord ta’ kandidati iżda l-Franċiżi għadhom kemmxejn indifferenti għal kampanja elettorali. Skont l-istħarriġ pubbliku l-aktar żewġ partiti li se jmorru tajjeb se jkunu l-partit tal-Lemin estrem ta’ Marine Le Pen u l-Partit tal-President Emmanuel Macron. Għadu mhux ċar min se jiġi l-ewwel fost dawn iż-żewġ partiti. Ir-riżultat se jkun verdett fuq il-politika ta’ Macron.

F’dawn l-elezzjonijiet għall-ewwel darba se jkun hemm ukoll rappreżentanti ta’ dawk imlaqqma bħala ‘tal-ġakketta safra’.

Minkejja numru sostanzjali ta’ kandidati 40% biss tal-votanti mistennija joħorġu jivvotaw.

Il-parteċipazzjoni tal-elettorat Franċiż għall-elezzjonijiet tal-Parlament Ewropew niżel minn 61% tal-1979 għal 42.4% fl-aħħar elezzjonijiet tal-2014.