WIEĦED MINN KULL ĦAMSA JMUT B’ATTAKK TAL-QALB 

Miljun persuna fl-Unjoni Ewropea, jiġifieri 1 minn kull 5 imwiet seħħu minħabba attakk tal-qalb jew puplesija. Fl-2013 fl-UE mietu madwar 644,000 persuna b’attakk tal-qalb u kważi 433,000 b’puplesija. Franza għandha l-iktar rata baxxa ta’ mwiet b’attakk tal-qalb (8.3%). L-ogħla rata hija tal-Litwanja (36.7%). F’Malta mietu (24.6%) b’attakk tal-qalb mit-total tal-imwiet kollha. Il-medja Ewropea hija (21.6%).

Mis-sena 2000 naqsu dawk li jmutu b’attakk tal-qalb jew puplesija. Minn 16.6% u 11.5% rispettivament dawn naqsu għal 12% u 8.7% fl-2013.