Il-Frontex tikkoordina t-tmexxija tal-fruntieri tal-istati membri tal-Unjoni Ewropea fid-dawl tad-drittijiet fundamentali tal-bniedem. Din l-aġenzija tgħin lil awtoritajiet tal-fruntieri tal-istati membri tal-UE jaħdmu flimkien u jsaħħu l-kooperazzjoni bejniethom. Imwaqqfa fl-2004, il-ħidma tal-Frontex tidħol f’ħafna attivitajiet differenti. Fosthom it-twettiq ta’ operazzjonijiet fil-fruntieri esterni tal-UE permezz tal-ħaddiema u t-tagħmir tal-istess stati membri; operazzjonijiet li jistgħu jkunu sew bil-baħar, fuq l-art u anki bl-ajru. L-Aġenzija għandha r-responsabilita` li toħloq ‘standards’ partikolari ta’ taħriġ li jkunu komuni għall-istati membri kollha. Il-gwardji tal-kosta fl-UE għandhom l-istess livell ta’ tħejjija.
L-Uffiċċjali tal-Frontex jagħmlu r-riċerka tagħhom, janalizzaw informazzjoni li jkunu ġabru huma stess, anki permezz ta’ spjunaġġ fuq il-fruntieri esterni tal-UE. Huma jużaw ukoll informazzjoni mogħtija lilhom mill-istati membri kif ukoll mir-riċerka akkademika u anki mill-mezzi tax-xandir.
L-aġenzija għandha l-għan li tgħin fil-kriżijiet billi tgħin f’operazzjonijiet ta’ salvataġġ, tassisti lill-istati membri meta jibagħtu lura barranin li qegħdin f’pajjiżhom b’mod illegali, taqsam l-informazzjoni tagħha mal-pajjiżi membri kollha biex ikunu infurmati dwar il-qagħda attwali fil-fruntieri u taħdem b’mod effettiv ma’ aġenziji oħra bħall-Europol kif ukoll mal-awtoritajiet tad-dwana nazzjonali biex kemm jista’ jkun ikun hemm koordinament.
F’dawn l-aħħar snin il-Frontex ħadmet fil-qrib mal-awtoritajiet tal-pajjiżi li jieħdu ħsieb il-ħarsien tal-fruntieri, l-aktar f’dawk il-pajjiżi li huma fir-rotta tal-immigranti. Bħalissa ir-rwol ta’ din l-aġenzija qed ikun diskuss wara li l-Kummissjoni Ewropea ħabbret li tixtieq li l-Frontex ikollha kompetenzi ġodda. Il-Kummissjoni qed tipproponi li l-uffiċċjali tal-Frontex jippersiedu l-uffiċċjali nazzjonali. Jekk din il-proposta sseħħ, din tfisser aktar tnaqqir mis-sovranita` tal-pajjiżi membri.
IL-FUTUR TAL-EWROPA
Read More
L-IMMIGRAZZJONI FUQ FOMM KULĦADD
Read More
IT-TURKIJA TKOMPLI RIESQA
Read More
IL-GRIEGI JRAQQDU L-IMMIGRANTI MAGĦHOM
Read More
GĦAWDEX: SE JIBQA’ IŻOLAT?
Read More
GĦAWDEX: QUO VADIS IŻ-ŻGĦAŻAGĦ?
Read More
GĦAWDEX: ’IL FEJN IT-TURIŻMU?
Read More
‘DEJJEM RIDT RELAZZJONIJIET SPEĊJALI MAL-UE’
Read More
JIŻDIEDU L-IMPJIEGI
Read More
TIŻDIED IL-POPOLAZZJONI
Read More
X’INHU L-FRONTEX?
Read More
DRAWWIET L-EWWEL TAS-SENA
Read More
Post a comment