X’JISTENNEW L-GĦAWDXIN MILL-EWROPA?

L-investiment f’Għawdex, il-ħolqien tax-xogħol, il-konnettivita` bejn Għawdex, Malta u l-kontinent Ewropew, fost suġġetti oħra, se jkunu diskussi bejn Alfred Sant u Frank Psaila, espert fuq l-iżvilupp ta’ Għawdex. Setturi differenti tas-soċjeta` ċivili Għawdxija ġew mistiedna jipparteċipaw fil-Konferenza biex jesprimu l-opinjonijiet tagħhom fuq kwistjonijiet li jqanqlu interess. Dan se jsir waqt Konferenza bit-tema ‘Dak li jistennew l-Għawdxin mill-Ewropa’ li se ssir fil-Lukanda Calypso, Marsalforn Għawdex nhar il-Ġimgħa 27 ta’ Ottubru fis-6.30pm.

Il-Konferenza qed tkun organizzata mill-fergħa Għawdxija tal-Kap tad-Delegazzjoni Laburista fil-Parlament Ewropew Dr Alfred Sant b’kollaborazzjoni mal-Grupp tas-Soċjalisti u Demokratiċi (S&D). Il-Konferenza se titmexxa minn Antoinette Falzon.

M’hemmx bżonn ta’ booking minn qabel. Dawk li jixtiequ aktar informazzjoni jistgħu jikkuntattjaw l-Uffiċċju ta’ Dr Sant fuq l-indirizz elettroniku info@alfredsant.eu jew in-numru tat-telefown 21490705.

Ikun hemm riċeviment wara l-Konferenza.