‘IR-RUMANIJA GĦAD TRID TIFHEM IR-RESPONSABBILTAJIET TAGĦHA.’

Ġranet wara li l-Presidenza tal-Kunsill tal-UE għaddiet għand ir-Rumanija, il-President tal-Kummissjoni Ewropea Jean Claude Juncker qal li inkwetat dwar il-ħila ta’ dan in-nazzjon biex imexxi l-Kunsill.

Ir-Rumanija saret membru tal-UE fl-2007.

Juncker qal li r-Rumanija “hija teknikament ippreparata” biex tieħu dan ir-rwol fi żmien daqshekk kritiku qabel l-elezzjonijiet Ewropej ta’ Mejju. Juncker iżda qal li r-Rumanija “għad trid tifhem xi jfisser li tieħu l-presidenza fuq il-pajjiżi l-oħra tal-UE.”

Ir-Rumanija tinsab maħkuma minn diviżjonijiet politiċi kbar u qed tiffaċċja għadd ta’ skandli ta’ korruzzjoni.

Skont Juncker, bin-nuqqas ta’ għaqda ġo darha r-Rumanija diffiċli toħloq l-għaqda fl-Ewropa.