IL-ĦUT JINŻLILHOM GĦASEL

70% tal-Ewropej jieklu l-ħut tal-inqas darba fix-xahar imma mhux kuntenti bil-prezzijiet tal-prodotti. Madwar erba’ minn għaxar konsumaturi (41%) jieklu prodotti tal-ħut id-dar tal-inqas darba fil-ġimgħa.

F’25 stat membru, il-persentaġġ li jsajru l-ħut id-dar tal-inqas darba fix-xahar ivarja ħafna fost il-pajjiżi – 92% fi Spanja, 87% fil-Portugall iżda 28% biss tal-Ungeriżi jieklu l-ħut tal-inqas darba fix-xahar. Fil-gżejjer Maltin, 71% jieklu l-ħut tal-inqas darba fix-xahar.

Terz tal-Ewropej li ħadu sehem f’dan l-istħarriġ qalu li jieklu prodotti tal-ħut fir-restoranti darba fix-xahar.

70% qalu li jieklu aktar ħut jew prodotti tal-ħut jekk il-prezz tagħhom ma jkunx daqshekk għoli.