SPANJA L-AKTAR POPOLARI MAL-IMMIGRANTI

Minn Ġunju l-Punent tal-Mediterran sar l-aktar rotta popolari għal immigrazzjoni irregolari lejn l-Ewropa. Skont l-aġenzija Ewropea tal-Fruntieri u l-Għassa tal-Kosta (Frontex) il-persentaġġ ta’ immigranti irregolari li waslu Spanja huwa 166% ogħla mis-sena l-oħra u laħaq 6, 400 f’Ġunju.

Fl-ewwel sitt xhur ta’ din is-sena, kien hemm 14, 700 traġitt fir-rotta tal-Punent tal-Mediterran, kważi d-doppju tas-sena l-oħra. L-immigranti ġew l-aktar mill-Marokk, mill-Guinea u mill-Mali.

Din ir-rotta qed issir aktar popolari minn dik tal-Mediterran Ċentrali, li għadha fil-qalba tal-kontroversja minħabba r-rifjut tal-Italja li tiftaħ il-portijiet tagħha. In-numru ta’ immigranti li waslu l-Italja f’Ġunju naqas b’madwar 3,000 – tnaqqis ta’ 87% minn Ġunju 2017. It-total ta’ immigranti li qasmu din ir-rotta fl-ewwel sitt xhur ta’ din is-sena laħaq is-16, 100 – tnaqqis ta’ 81% fuq l-istess perijodu tas-sena l-oħra. L-immigranti irregolari li jużaw din ir-rotta huma l-aktar Tunesini u Eritreani.

L-immigranti irregolari li wżaw ir-rotta tal-Mediterran tal-Punent telgħu għal 3, 600 f’Ġunju. Iżda minħabba li f’din ir-rotta żdiedu t-traġitti irregolari fuq l-art mill-fruntiera tat-Turkija, in-numru ta’ immigranti, l-aktar mis-Sirja u l-Iraq, laħaq l-24, 300 fl-ewwel sitt xhur ta’ din is-sena.