KOOPERAZZJONI AĦJAR BEJN L-UE U L-EĠITTU

Ir-Rappreżentanta Għolja tal-Affarijiet Barranin tal-UE u l-Politika ta’ Sigurta` Federica Mogherini u l-Ministru tal-Affarijiet Barranin Eġizzjan Sameh Shoukry qablu li “jsaħħu d-djalogu u l-kooperazzjoni fl-oqsma kollha bl-għan li jkunu indirizzati sfidi komuni, għal gwadann tal-interessi komuni u bħala garanzija għal stabilita` fuq tul ta’ żmien bejn iż-żewġ naħat tal-Mediterran”. Matul il-laqgħa fi Brussell, Mogherini u Shoukry iddiskutew il-ftehim nukleari tal-Iran, is-Sirja, il-Libja u l-proċess ta’ paċi fil-Lvant Nofsani, is-sitwazzjoni fil-Yemen u l-iżviluppi fir-reġjun tal-Baħar l-Aħmar. Huma tkellmu wkoll dwar il-progress tal-prijoritajiet li qablu fuqhom daqs sena ilu.