Il-Presidenza Bulgara tal-UE tista’ tagħti aktar importanza lill-istati tal-periferija tal-Ewropa flimkien mal-prijorita` li qed tagħti lit-tisħiħ tar-relazzjonijiet reġjonali tal-Balkani. L-inklużjoni tagħhom fit-tfassil tal-politika Ewropea hija ċ-ċavetta biex l-Ewropa tiżgura għaqda ekonomika u soċjali. Dan qalu Alfred Sant fil-Parlament Ewropew waqt il-preżentazzjoni tal-programm ta’ attivitajiet tal-Presidenza tal-Bulgarija fl-ewwel nofs tas-sena 2018.
Dr Sant qal li l-Presidenza Bulgara ppreżentat programm b’saħħtu għall-ewwel sitt xhur tas-sena.
“Il-Presidenza tal-Bulgarija tal-Kunsill tal-UE qiegħda f’pożizzjoni tajba biex tagħti prominenza lill-kwistjonijiet kruċjali marbuta mat-taxxi u li qed iqajmu tant tħassib fost l-istati membri. L-enfasi għandha tibqa’ fuq it-trasparenza fit-taxxa u fuq il-flessibilita` fit-taxxa li hi meħtieġa għal pajjiżi li jinsabu fil-periferija tal-Ewropa.” qal Sant li fakkar li dan l-aħħar il-Parlament Ewropew tkellem dwar il-prinċipju tal-unanimita` dwar it-tassazzjoni bejn l-istati membri.
“B’mod partikolari nilqa’ l-enfasi dwar l-aġenda diġitali tal-Presidenza Bulgara. Din il-kwistjoni hija kruċjali, speċjalment għall-SMEs. Għandna niżguraw li l-iżvilupp tas-Suq Diġitali Komuni jinkludi l-ħtiġijiet reali ta’ dawk li jużawh, li jeħtieġ jadattaw ruħhom waqt li jirrealizzaw il-possibilitajiet li jinħolqu bit-teknoloġija.”
Ix-xhur bikrin tal-2018 jistgħu jaffettwaw b’mod kruċjali l-elezzjonijiet tas-sena d-dieħla tal-Parlament Ewropew. L-andament tagħhom jista’ jkun influwenzat mir-riżultat tal-elezzjonijiet fl-Italja u fl-Ungerija fil-ġimgħat li ġejjin. Aktar minn hekk, issa li deħlin fit-tieni sena ta’ negozjati, it-taħditiet tal-Brexit għadhom sors ta’ inċertezza kbira.
ANQAS SIĠĠIJIET FIL-PARLAMENT EWROPEW
Read More
MHUX KREDIBBLI MILL-BIDU SAL-AĦĦAR
Read More
TERZ TAL-GASS FL-EWROPA ĠEJ MIR-RUSSJA
Read More
DISA’ PAJJIŻI MSEJĦA BRUSSELL MINĦABBA L-KWALITA` TAL-ARJA
Read More
MIL-LISTA S-SEWDA GĦAL-LISTA L-GRIŻA
Read More
INĠUSTIZZJA MAL-BULGARIJA
Read More
Il-PRIJORITAJIET TAL-KUMMISSJONI GĦALL-2018
Read More
GĦARFIEN AKBAR DWAR L-ISTATI FIL-PERIFERIJA TAL-EWROPA
Read More
Post a comment