MINGĦAJR DIMENSJONI SOĊJALI L-UE TKUN PARALIZZATA

Il-Kummissarju tal-Affarijiet Ekonomiċi u Monetarji Pierre Moscovici qal li mingħajr id-dimensjoni soċjali, l-Unjoni Monetarja u Ekonomika tkun paralizzata.

Moscovici stqarr li l-‘White Paper’ dwar il-futur tal-Unjoni Ewropea li se tkun ippreżentata lill-Kummissjoni Ewropea fit-8 ta’ Marzu għandha tisħaq dwar il-konverġenza soċjo-ekonomika kif ukoll dwar ir-riformi li għandhom iservu biex titjieb il-governanza tal-ewro u tiżdied it-trasparenza u l-kontroll demokratiku. Din għandha tinkludi wkoll l-aħħar irtokki għall-unjoni bankarja b’enfażi fuq l-investiment.

Moscovici huwa favur il-ħolqien ta’ baġit għaż-żona ewro u favur li tinħoloq il-kariga ta’ super-ministru tal-finanzi għaż-żona ewro.

Moscovici rrepeta l-kliem tal-ex-President tal-Kummissjoni Jacques Delors li l-ewro tipproteġi kontra l-instabilita` u l-ispekulazzjoni, hija forza fid-dinja imma ma tagħtix spinta lil ekonomija.

Bħal Moscovici, għadd ta’ Ewroparlamentari wrew it-tħassib tagħhom dwar l-inugwaljanzi soċjali li f’dawn l-aħħar snin komplew jiżdiedu.