DIVORZJU DIŻORDINAT SE  JAFFETTWA L-INTEGRAZZJONI FINANZJARJA

It-tluq tar-Renju Unit mingħajr ftehim mal-Unjoni Ewropea jista’ jaffettwa negattivament l-integrazzjoni finanzjarja u jolqot ħażin is-swieq internazzjonali u l-operazzjonijet tan-negozju. Din it-twissija għamilha fil-bidu ta’ dil-ġimgħa Valdis Dombrovskis, Viċi-President tal-Kummissjoni Ewropea.

L-UE ilha tipprepara minn Diċembru 2017 għal Brexit bla ftehim. Ressqet 19-il proposta leġislattiva u ħarġet 90 rakkomandazzjonijiet għal ċittadini u għas-settur privat.

Dombrovskis issa ammetta fil-Kumitat Ekonomiku u Monetarju tal-Parlament Ewropew (ECON) li ‘mhux possibbli jilqgħu għall-effetti negattivi fuq l-ekonomija bit-tluq tar-Renju mill-UE bla ftehim.’

Il-Kummissjoni Ewropea qed iżżid l-isforzi tagħha biex tħejji għal divorzju diżordinat bejn ir-Renju Unit u l-UE. Ir-riskju ta’ tluq bla ftehim qed jiżdied ma’ kull ġurnata li tgħaddi.