Il-Gvern Pollakk ħabbar li sa 2026 se jonfoq €43 biljun biex isaħħaħ id-difiża ta’ pajjiżu u jimmodernizza l-forzi armati. Se jinxtraw submarines ġodda, ħelikopters navali u sistemi ta’ difiża. Il-Polonja se tixtri ajruplani tal-gwerra Amerikani li jieħdu post l-ajruplani Sovjetiċi li għadhom jintużaw mill-qawwa tal-ajru Pollakka.
Il-Polonja se ssaħħaħ b’mod partikolari d-difiża fil-lvant tal-pajjiż viċin il-fruntiera mar-Russja. Dan sar fi sforz biex tissaħħaħ is-sigurta` taż-żona wara l-intervent militari fl-Ukrajna.
II-Polonja tħossha mhedda mir-Russja. Mindu l-partit tal-lemin rebaħ il-gvern il-Polonja talbet għal bażi Amerikana fil-pajjiż. Il-gvern Pollakk huwa favur preżenza ta’ suldati Amerikani madwar il-pajjiż, l-aktar qrib il-fruntiera Russa. Din il-preżenza Amerikana qed tissejjaħ ‘Fortizza Trump’.
“Il-Ġermanja, ir-Renju Unit, ltalja, Spanja, it-Turkija għandhom suldati Amerikani f’pajjiżhom. Għala m’għandux ikollna suldati Amerikani aħna wkoll.” qal il-Gvern Pollakk.
Dawn il-pajjiżi kellhom bażijiet Amerikani minn żmien il-Gwerra l-Bierda.
Ir-Russja hija ostili ħafna li jkun hemm bażijiet Amerikani qrib il-fruntieri tagħha mal-Polonja.
Għalissa l-Gvern Amerikan m’aċċettax it-talba tal-Polonja.
Il-Gvern Amerikan qal li kien lest iżid il-preżenza Amerikana bi ftit mijiet ta’ suldati. Bħalissa hemm 5000 suldat Amerikan f’isem in-NATO. L-Ambaxxatriċi Amerikana għall-Polonja Georgette Mosbacher qalet li l-Istati Uniti qed tippjana li żżid il-preżenza militari fil-Polonja waqt li l-President Donald Trump irid isaħħaħ il-preżenza Amerikana fl-Ewropa ċentrali.
VUĊI WAĦDA FL-EWROPA
Read More
IRIDU JKEĊĊU LIL ORBAN MILL-PPE
Read More
MACRON IWIEGĦED ‘RINAXXIMENT’ EWROPEW
Read More
JUNCKER SKREDITAT FL-UNGERIJA
Read More
FORTIZZA TRUMP FIL-POLONJA
Read More
SKONNETTJATI MILL-ISTITUZZJONIJIET EWROPEJ
Read More
FONDI GĦALL-BDIEWA
Read More
IL-BELARUS IĦARES LEJN IL-PUNENT
Read More
Post a comment