IR-RUMANIJA ORDNATA TIRKUPRA €350 MILJUN F’GĦAJNUNA TAL-ISTAT ILLEGALI

Il-Kummissjoni Ewropea ordnat lir-Rumanija tiġbor lura €335 miljun f’għajnuna tal-istat li mhux kompatibbli mar-regoli tal-Unjoni Ewropea.

Dawn il-miljuni ntefqu għall-kumpanija tal-petrokimika Oltchim.

F’April tal-2016 il-Kummissjoni fetħet investigazzjoni biex tara dawn il-miżuri kinux konformi mar-regoli tal-Unjoni.

Il-Kummissjoni inizjalment ikkunsidrat li dawn il-miżuri kienu jammontaw għal għajnuna mill-Istat, billi l-ebda kreditur privat ma kien se jimplimenta miżuri ta’ dan it-tip għal kumpanija. L-istituzzjoni mbagħad evalwat l-għajnuna fid-dawl tar-regoli ta’ ristrutturar. Dawn ir-regoli jagħmluha possibbli biex l-istat jappoġġja kumpanija, b’mod partikolari jekk din tkun soġġetta għal pjan sod ta’ ristrutturar u tkun se tikkontribwixxi għall-ispiża tar-ristrutturar tagħha.

F’dan il-każ, il-Kummissjoni sabet li ħadd ma għarrafha b’xi pjan ta’ ristrutturar u li l-ebda investitur ma ppjana li jikkontribwixxi għall-ispiża tar-ristrutturar ta’ Oltchim. Għalhekk il-Kummissjoni kkonkludiet li l-għajnuna kienet inkompatibbli mal-liġi tal-UE dwar l-għajnuna mill-Istat u ordnat lil Bukarest jirkupra l-ammont ta’ €335 miljun.