IŻ-ŻONA EWRO SE JKOLLHA L-BAĠIT TAGĦHA 

Il-membri taż-żona ewro qablu dwar baġit wieħed komuni, bid-daqs tiegħu jiġi determinat wara l-elezzjonijiet Ewropej ta’ Mejju 2019.

Pjanijiet għal baġit simili fl-imgħoddi dejjem sabu reżistenza min-numru ta’ pajjiżi tal-ewro li aktar milli ma’ baġit – iktar jaqblu ma’ ‘fond’ li jgħin fil-konverġenza ekonomika taż-żona ewro u jiffoka fuq l-investimenti fl-infrastruttura kif ukoll fil-ġlieda kontra l-qgħad.

Il-President Franċiż Emmanuel Macron qal li ż-żona ewro trid tkun ippreparata b’miżuri għal meta l-ekonomija ma tkunx sejra tajjeb. Franza ilha targumenta favur baġit għaż-żona ewro ambizjuż iffinanzjat mit-taxxi.

Il-proposta Franċiża ġiet attakkata konsistentement mill-pajjiżi li l-aktar jikkontribwixxu fil-baġit tal-UE bħall-Olanda, il-Lussemburgu u l-Ġermanja.