F’Settembru l-Kummissjoni Ewropea se tippreżenta miżuri ġodda għal ħarsien aħjar tal-fruntieri tal-UE wara li l-mexxejja tal-pajjiżi fil-Kunsill tal-UE qablu li titrażżan l-immigrazzjoni illegali fil-baħar Mediterran.
“Qbilna li l-Kummissjoni Ewropea tippreżenta l-proposti dwar il-protezzjoni tal-fruntieri f’Settembru. Diġa` hemm ftehim li l-aġenzija tal-ħarsien tal-fruntieri Frontex ikollha 10, 000 uffiċċjali ġodda sas-sena 2027. Dan id-deadline issa tmexxa għas-sena 2020 u f’Settembru se nkun qed nagħmel proposti fuq dan il-fatt.” qal il-President tal-Kummissjoni Ewropea Jean Claude Juncker.
Il-proposti se jkunu svelati fid-diskors annwali dwar l-Istat tal-Unjoni f’nofs Settembru.
Mhux mistennija miżuri dwar l-operazzjonijiet ta’ salvataġġ mill-NGOs.
Juncker qal li l-Presidenza tal-Awstrija u l-Kummissjoni qablu li jkun hemm Ewropa li tipproteġi.
Il-Kanċillier Awstrijak Sebastian Kurz jixtieq “soluzzjonijiet Ewropej” mingħajr fruntieri interni li tista’ tkun possibbli biss b’aktar strettezza fil-fruntieri esterni.
Il-Presidenza Awstrijaka tixtieq torganizza summit bejn l-UE u l-Afrika fl-aħħar tas-sena 2018 bl-għan li – jkunu indirizzati l-kawżi tal-immigrazzjoni minn għeruqhom, ir-ritorn tal-immigranti li ma jikkwalifikawx għal protezzjoni internazzjonali jsir aktar malajr, jitwaqqfu ċentri apposta biex l-immigranti li jinġabru f’ibħra internazzjonali jittieħdu fihom biex ikun stabilit jikkwalifikawx għal protezzjoni umanitarja jew le.
FL-INTERESS TA’ MALTA LI TINSTAB SOLUZZJONI
Read More
L-AKBAR SFIDA GĦALL-PRESIDENZA AWSTRIJAKA
Read More
IL-ĠERMANJA TRID TIBGĦAT IMMIGRANTI LURA L-GREĊJA U L-ITALJA
Read More
ESTIŻI S-SANZJONIJIET RUSSI
Read More
PROPOSTI ĠODDA GĦALL-ĦARSIEN TAL-FRUNTIERI EWROPEJ
Read More
IKOMPLU JIXTRU Ż-ŻEJT IRANJAN
Read More
JITOLBU KJARIFIKI DWAR L-ISTRATEĠIJA DIĠITALI EWROPEA
Read More
IĊ-ĊINA TRID EWROPA EKONOMIKAMENT B’SAĦĦITHA
Read More
Post a comment