Il-President tal-Istati Uniti Donald Trump wissa li se jintaxxa l-azzar li dieħel f’pajjiżu mill-Unjoni Ewropea u akkuża l-Unjoni li hija protezzjonista ħafna. “Għandna affarijiet li bilkemm nistgħu nbiegħu lil UE għax hija protezzjonista ħafna, u aħna ma aħniex.” qal Trump. Il-President Amerikan qal li lest jikkastiga l-Unjoni, b’mod partikolari lill-Ġermanja bħala l-ikbar esportatriċi fl-Unjoni, billi jadotta taxxi fuq ċertu prodotti jekk l-Ewropa tibqa’ ma tiftaħx il-bibien għal ċertu prodotti Amerikani.
Donald Trump qal li l-azzar li ġej miċ-Ċina u anki minn pajjiżi oħra qed ikun ta’ xkiel għax iwaqqa’ l-prezzijiet u jħarbat l-industrija tal-azzar tal-Istati Uniti. “Ilhom iwaqqgħu l-prezzijiet u jħarbtu l-industrija tal-azzar. Dan l-aġir ilu sejjer għexieren ta’ snin, u jien se nwaqqfu. Hemm żewġ metodi kif nista’ nagħmel dan – bil-kwoti jew bit-tariffi. Forsi nuża ż-żewġ metodi.”
L-UE diġa` avżat li tirritalja f’każ li l-Istati Uniti ddaħħal it-tariffi fuq l-azzar Ewropew. “Jekk l-Istati Uniti ddaħħal it-tariffi fuq l-azzar, il-konsegwenzi fuq l-Ewropa jkunu serji ħafna u mhux ġustifikati.” qalet il-Kummissarju tal-Kummerċ Cecilia Malmstrom. Malmstrom qalet li l-miżuri ma jistgħux jiksru r-regoli tal-Organizzazzjoni Dinjija tal-Kummerċ. “Nifhem it-tħassib tal-Istati Uniti minħabba l-produzzjoni kbira tal-azzar Ċiniż, imma dan mhux mod ġust kif tkun indirizzata din id-diffikulta`.” qalet Malmstrom.
OPRI TAL-ARTI JIFFINANZJAW IT-TERRORIŻMU
Read MoreL-IMF OTTIMISTA DWAR IT-TKABBIR FIŻ-ŻONA EWRO
Read MoreWARA SETTEMBRU JIBDEW ID-DISKUSSJONIJIET DWAR MINISTRU TAL-FINANZI EWROPEW
Read MoreTRUMP IRID JINTAXXA L-AZZAR EWROPEW
Read MoreIR-RENJU UNIT IRID ISAĦĦAĦ IL-KUMMERĊ MAL-ISTATI UNITI WARA L-BREXIT
Read MoreJINTENSIFIKA D-DJALOGU MAR-RUSSJA, MINKEJJA D-DIFFERENZI
Read MoreIL-GREĊJA SSAĦĦAĦ IL-FINANZI PUBBLIĊI
Read MoreEMENDI TA’ ALFRED SANT DWAR ‘COVERED BONDS’ APPROVATI FIL-PARLAMENT EWROPEW
Read More
Post a comment