Il-Parlament Ewropew approva riżoluzzjoni emendata minn Alfred Sant, Shadow Rapporteur f’isem S&D fuq ‘Covered Bonds’ li tressqet bħala preparazzjoni għall-miżura leġiżlattiva tal-Kummissjoni Ewropea li mistennija tkun ippubblikata fl-ewwel kwart tal-2018. ‘Covered Bonds’ huma ċedoli ta’ self maħruġa mis-settur privat ibbażati l-aktar fuq ġabra ta’ kuntratti ta’ xiri ta’ propjeta` bin-nifs u ċedoli ta’ self mill-gvernijiet. Il-“Covered Bonds” għadhom ma jintużawx f’Malta imma qed jinfirxu mal-Ewropa, waqt li f’pajjiżi bħall-Ġermanja u d-Danimarka ilhom jintużaw għall-aħħar żewġ sekli b’suċċess kbir. Fuq livell Ewropew, ma hemmx qafas legali għal ‘Covered Bonds’ u huma ħafna drabi regolati fuq livell nazzjonali.
Dr Sant qal li d-Direttiva għandha tirrispetta l-kisbiet tas-swieq nazzjonali.
“Kull inizjattiva li tittieħed fil-futur mill-Kummissjoni Ewropea fuq il-‘Covered Bonds’ għandha tipprovdi soluzzjoni bilanċjata u armonizzazzjoni minima tal-qafas nazzjonali f’livell Ewropew. Bħala Shadow Rapporteur fuq dan ir-rapport, ivvotajt favur fuq dawn il-fehimiet: L-ewwel nett, fil-pass lejn il-Capital Markets Union (CMU) kien ikun inkonċepibbli li ma jingħatax spazju lil ‘Covered Bonds’. L-Unjoni tas-Swieq Kapitali mhux bilfors trid tkun applikata fuq bażi ta’ one-size-fits-all; imma ma jistax ikollha ħafna xquq fl-istruttura tagħha, u dan ikun il-każ jekk il-‘Covered Bonds’ ma jkunux inklużi fl-operazzjonijiet tagħha.
It-tieni punt, Direttiva ta’ dan it-tip tistabilixxi definizzjoni ċara li tħares l-identita` tal-‘Covered Bonds’; ma jisfurzax wisq dettalji li jkunu applikati tul swieq nazzjonali differenti u jirrikonoxxi s-sistemi nazzjonali li ilhom imwaqqfa għal ħafna żmien u li ilhom jaħdmu tajjeb sa issa, mingħajr ma jfixkilhom.
It-tielet punt, Direttiva hija ta’ benefiċċju għall-istati membri li għad ma għandhomx suq bħal dan jew li għadu mhux żviluppat sew.” qal Dr Sant.
Ir-riżoluzzjoni kienet approvata b’543 voti favur, 99 kontra u 56 astenzjoni.
OPRI TAL-ARTI JIFFINANZJAW IT-TERRORIŻMU
Read More
L-IMF OTTIMISTA DWAR IT-TKABBIR FIŻ-ŻONA EWRO
Read More
WARA SETTEMBRU JIBDEW ID-DISKUSSJONIJIET DWAR MINISTRU TAL-FINANZI EWROPEW
Read More
TRUMP IRID JINTAXXA L-AZZAR EWROPEW
Read More
IR-RENJU UNIT IRID ISAĦĦAĦ IL-KUMMERĊ MAL-ISTATI UNITI WARA L-BREXIT
Read More
JINTENSIFIKA D-DJALOGU MAR-RUSSJA, MINKEJJA D-DIFFERENZI
Read More
IL-GREĊJA SSAĦĦAĦ IL-FINANZI PUBBLIĊI
Read More
EMENDI TA’ ALFRED SANT DWAR ‘COVERED BONDS’ APPROVATI FIL-PARLAMENT EWROPEW
Read More
Post a comment