Gruppi armati li jittraffikaw l-immigranti jinsabu fil-Libja biex jittraffikaw aktar immigranti lejn l-Ewropa. Bħalissa hemm 700,000 immigrant fil-Libja lesti biex jaqsmu lejn l-Ewropa.
Fil-Parlament Ewropew Alfred Sant qal li l-UE għandha, mingħajr preġudizzju, iżżomm djalogu mal-organizzazzjonijiet mhux terroristiċi kollha tal-Libja u tappoġġja elezzjonijiet li jgħinu biex tkun stabbilita governanza li tista’ treġġa’ lura l-istabilita`, il-paċi u l-prosperita` fil-Libja.
Dr Sant għamel intervent dwar is-sitwazzjoni ta’ emerġenza tal-Libja.
“L-elezzjonijiet li ġejjin għandhom ikunu pass kruċjali li jindirizzaw din is-sitwazzjoni. Għalhekk huwa importanti li jkun żgurat, mhux li jsiru elezzjonijiet malajr kemm jista’ jkun, iżda li jsiru b’mod trasparenti u bl-ikbar qbil possibbli fi ħdan il-Libja għar-rilevanza tagħhom stess. Kif jixhdu l-aħħar ġrajjiet fi Tripli, għad hemm problemi kbar ta’ sigurta` li għad iridu jingħelbu. Jekk dan ma jsirx, l-elezzjonijiet se jkunu imminati.”
Dr Sant qal li l-interessi tal-Libja u ta’ niesha, u dawk tal-UE mhux talli jaqblu iżda huma identiċi. Il-pajjiż għandu bżonn gvern b’saħħtu u stabbli li jżomm għaqda nazzjonali fi ħdan il-fruntieri tal-Libja u fl-istess ħin iqis l-aspettattivi tal-forzi differenti li jeżistu fil-pajjiż.
Tista’ ssegwi d-diskors ta’ Alfred Sant fuq din il-link:
https://www.youtube.com/watch?v=eCxNyMHvkIM
INVESTIGAZZJONIJIET IVVIZZJATI
Read More
700,000 IMMIGRANT JISTENNEW FIL-LIBJA BIEX JAQSMU LEJN L-EWROPA
Read More
GĦAJNUNA LIL AFRIKA
Read More
MILIZJI KONTRA L-IMMIGRANTI FL-EWROPA ĊENTRALI
Read More
MIRI FUQ IL-KARTA
Read More
APPROVATI PROPOSTI TA’ ALFRED SANT
Read More
KONTRA ELEZZJONIJIET FL-UKRAINA TAL-LVANT
Read More
NIPPROTEĠU L-ARTISTI MALTIN
Read More
Post a comment