KONTRA ELEZZJONIJIET FL-UKRAINA TAL-LVANT

L-UE hija kontra l-elezzjonijiet presidenzjali u parlamentari li se jseħħu f’Luhansk u Donetsk fil-11 ta’ Novembru 2018.

“Din l-aħbar tmur kontra l-ftehim ta’ Minsk, li għandu provviżjonijiet speċifiċi dwar l-organizzazzjoni ta’ elezzjonijiet lokali fir-reġjun. L-implimentazzjoni tal-ftehim ta’ Minsk bejn il-partijiet kollha hija ċ-ċavetta li twassal għal soluzzjoni paċifika għal kunflitt fil-Lvant tal-Ukraina”, qal kelliem tal-UE.

Kelliem għal UE qal li kull pass li huwa ta’ xkiel għal ftehim ta’ Minsk irid ikun evitat. “Aħna nistennew li r-Russja tuża l-influwenza kollha tagħha fuq is-separatisti f’dan ir-rigward”. qal il-kelliem.

L-UE saħqet li tappoġġja l-indipendenza, is-sovranita` u l-integrita` territorjali tal-Ukraina.