Angela Merkel taqbel li għandhom jieqfu n-negozjati tad-dħul tat-Turkija fl-Unjoni Ewropea. Ir-relazzjonijiet tat-Turkija u l-UE u tat-Turkija mal-Ġermanja iddeterjoraw sewwa wara l-attentat kolp ta’ stat f’Lulju 2016 u r-referendum dwar il-kostituzzjoni Torka fir-Rebbiegħa tal-2017.
“Se nitkellem mal-kollegi Ewropej tiegħi biex tintlaħaq pożizzjoni komuni fuq dan il-punt u jekk nistgħux inwaqqfu n-negozjati għad-dħul. Huwa ċar li t-Turkija ma għandhiex issir stat membru tal-Unjoni. Jeħtieġ pożizzjoni ċara dwar Erdogan.” qalet Merkel f’dibattitu ftit jiem biss qabel l-elezzjonijiet parlamentari tal-24 ta’ Settembru.
Biex jitwaqqfu n-negozjati jeħtieġ vot unanimu mill-istati membri kollha.
B’risposta għal dak li qalet Merkel, il-Ministru tal-Affarijiet Barranin Tork Omer Melik qal li l-Ġermanja kienet qed tuża l-Unjoni Ewropea biex issolvi kwistjonijiet bilaterali.
“Il-Ġermanja hija alleata tat-Turkija iżda qed inħossuna skomdi bl-argumenti ta’ ċerti politiċi Ġermaniżi. Ma tistax titkellem fuq it-twaqqif jew is-sospensjoni tan-negozjati tas-sħubija, biex imbagħad terga’ tibdiehom sitt xhur oħra.” qal Melik.
In-negozjati mat-Turkija jinsabu wieqfa għaliex l-Ewropa ma tridx tiftaħ kapitli ġodda ta’ negozjati.
“L-UE tikkritika d-drittijiet fundamentali u l-indipendenza ġudizjarja fit-Turkija, allura ejja nibdew negozjati fuq dan. Il-kapitli tan-negozjati qegħdin hemm biex naħdmu flimkien.” qal Melik meta rrefera għal kapitlu 23 dwar il-ġustizzja u d-drittijiet fundamentali u kapitlu 24 dwar il-liberta`, is-sigurta` u l-ġustizzja.
“Fuq is-suġġetti kollha li qed tikkritikawna, aħna lesti li nitkellmu u naħdmu flimkien.” żied jgħid Melik.
Fil-fehma tal-Ministru Tork l-Unjoni Ewropea se tieħu deċiżjoni dwar il-futur tal-Unjoni Ewropea aktar milli dwar il-futur tat-Turkija.
RYANAIR TĦARBAT TITJIRIET TA’ 400,000 PASSIĠĠIER
Read MoreFEJN SEJRA L-EWROPA?
Read MoreINSAĦĦU L-KISBIET U NWITTU D-DIVERĠENZI FL-EWROPA
Read MoreL-UE U R-RENJU UNIT JEĦTIEĠU RELAZZJONIJIET TAJBIN WARA L-BREXIT
Read MoreIRIDU JĠEDDU L-KONTROLLI FUQ IL-FRUNTIERI
Read MoreTLIET PRIJORITAJIET TA’ MOSCOVICI FIT-TASSAZZJONI
Read MoreBATTIBEKKI DWAR IT-TURKIJA
Read MoreIS-SOĊJAL-DEMOKRATIĊI JĦEJJU GĦALL-2019
Read More
Post a comment