Fil-Parlament Ewropew Alfred Sant saħaq dwar il-ħtieġa li l-Unjoni Ewropea tikkonsolida l-kisbiet tagħha biex tnaqqas u twitti d-diverġenzi li nħolqu bejn iż-żoni differenti tal-Unjoni.
“Il-messaġġ dwar l-Istat tal-Unjoni ta’ din is-sena ta ħarsa lura. Ippreżenta l-programm ta’ attivitajiet li l-Kummissjoni għadha trid timplimenta sal-aħħar tal-mandat tagħha filwaqt li ngħataw ukoll linji gwida strateġiċi għall-kumplament tal-iżvilupp tal-Unjoni anki wara li jiskadi l-mandat.
Mill-frustrazzjoni u d-diżappunt ta’ sena ilu, b’kuntrast issa morna għal diskors ta’ ottimiżmu kbir. Dan qed iwassal għal kontradizzjonijiet hekk kif il-ħolma ta’ aktar integrazzjoni Ewropea qed jerġgħu jitilgħu fil-wiċċ.
Fuq naħa, hemm il-ħsieb li l-proġett Ewropew irid ikun aktar demokratizzat u mressaq aktar lejn in-nies. Fuq in-naħa l-oħra, is-suġġerimenti dwar aktar għaqda, li trid tiġi implimentata taħt il-kappa ta’ estenzjoni tar-regoli li diġa` jeżistu u tal-“Community method”.
Il-prijorita` li niżguraw konsolidament permezz ta’ għodda politiċi u li nnaqqsu d-diverġenzi kbar li jeżistu bejn żoni differenti tal-Unjoni, aktarx se tintilef. Hekk ġara fil-passat; hekk jista’ jiġri issa. Integrazzjoni fiż-żmien attwali se toħloq realtajiet ġodda li l-mekkaniżmi politiċi u ekonomiċi m’humiex tajbin biżżejjed biex isolvu. Ma għandniex inħallu riżultat tajjeb jiddevjana mill-ħtieġa strateġika li nikkonsolidaw. Inkella, l-passat jerġa’ jirrepeti ruħu.” qal Dr Sant meta ikkummenta dwar id-diskors tal-President Juncker dwar l-Istat tal-Unjoni.
RYANAIR TĦARBAT TITJIRIET TA’ 400,000 PASSIĠĠIER
Read MoreFEJN SEJRA L-EWROPA?
Read MoreINSAĦĦU L-KISBIET U NWITTU D-DIVERĠENZI FL-EWROPA
Read MoreL-UE U R-RENJU UNIT JEĦTIEĠU RELAZZJONIJIET TAJBIN WARA L-BREXIT
Read MoreIRIDU JĠEDDU L-KONTROLLI FUQ IL-FRUNTIERI
Read MoreTLIET PRIJORITAJIET TA’ MOSCOVICI FIT-TASSAZZJONI
Read MoreBATTIBEKKI DWAR IT-TURKIJA
Read MoreIS-SOĊJAL-DEMOKRATIĊI JĦEJJU GĦALL-2019
Read More
Post a comment