Fit-tieni elezzjoni f’sitt xhur, Spanja resqet aktar viċin biex tifforma gvern. L-iktar li ġab voti (33%) kien il-Prim Ministru Mariano Rajoy tal-Partit Popolari taċ-Ċentru Lemin. Dan il-Partit żied il-voti mill-aħħar elezzjoni u issa kiseb 137 siġġu minn total ta’ 350 siġġu. Issa jeħtieġ li dan il-partit jifforma koalizzjoni biex ikollu maġġoranza ta’ siġġijiet u jkun jista’ jiggverna.
It-tieni partit li ġab l-akbar numru ta’ voti kienu s-Soċjalisti bi 22.7% u 85 siġġu (ħames siġġijiet anqas milli kellu), iżda riżultat li permezz tiegħu l-mexxej soċjalist tant kritikat Pedro Sanchez se jżomm postu.
Il-Partit Podemos li kien kontra l-awsterita` ngħaqad mal-Komunisti u flimkien ġabu total ta’ 71 siġġu. Il-partit liberali ġdid Ciudadanos kiseb 32 siġġu (tmienja anqas milli kellu).
Żewġ fatturi għenu l-partiti tradizzjonali – l-ewwel fattur kien il-Brexit. Fl-24 ta’ Ġunju l-istock exchange Spanjol niżel bi 12.4%. Dan ħeġġeġ lill-Ispanjoli biex ikunu anqas avventurużi. Fattur ieħor kien li ħarġu anqas nies minn Diċembru biex jivvotaw. Dan il-fattur għen lil Partit Popolari.
Mariano Rajoy sar Prim Ministru fl-2011 meta Spanja daħlet f’riċessjoni. Minn hemm bdiet il-politika tiegħu ta’ riformi fis-suq tax-xogħol, tnaqqis fl-infiq tal-Gvern u miżuri ta’ awsterita`. Minkejja skandli ta’ korruzzjoni li xejn ma niżlu tajjeb mal-elettorat, Rajoy reġa’ ħareġ rebbieħ. Issa jmiss li jibda t-taħdidiet biex jifforma koalizzjoni. Is-saħħa tal-gvern Spanjol u tal-futur politiku ta’ Spanja tiddependi minn dawn in-negozjati. Rajoy jixtieq jifforma koalizzjoni kbira mas-Soċjalisti iżda kollox jindika li dan mhux se jseħħ hekk kif il-mexxej Soċjalista Sanchez ma jridx jaf bi ftehim ta’ dan it-tip. Iċ-ċans biex Rajoy ikollu gvern stabbli huwa billi jiftiehem mal-partiti ż-żgħar. Spanja teħtieġ bidla u tmexxija soda. Huwa fl-interess tal-pajjiż li ma ssirx it-tielet elezzjoni Spanjola fil-futur qarib.
L-AĦĦAR ĊENA
Read MoreL-UE TRID TEVITA ŻEWĠ TENTAZZJONIJIET
Read MoreELEZZJONIJIET INKONKLUSSIVI FI SPANJA
Read MoreGĦODDA BIEX JOĦORĠU AKTAR PAJJIŻI MILL-UE
Read MoreJINBIDLU R-REGOLI TAL-FRUNTIERI TAX-SCHENGEN
Read More890, 000 RUĦ KISBU ĊITTADINANZA EWROPEA FL-2014
Read MoreDIFFIKULTAJIET GĦALL-BDIEWA EWROPEJ
Read MoreID-DESTIN TAL-GLYPHOSATE F’IDEJN IL-KUMMISSJONI
Read MoreJINBXU LIL XULXIN BL-INGLIŻ
Read More
Post a comment