Wara l-BREXIT se jkun hemm żewġ tentazzjonijiet fl-UE: l-ewwel tentazzjoni tkun dik li tagħmel il-ftehim diffiċli għar-Renju Unit biex pajjiżi oħra ma jitħajrux joħorġu mill-UE. Tentazzjoni oħra tkun indirizzata lejn proċess ta’ tisħiħ tar-regoli ta’ sħubija. Alfred Sant, li indirizza laqgħa fl-INSPIRE f’Wied il-Għajn, qal li hemm bżonn li dawn iż-żewġ tentazzjonijiet jingħelbu għax eventwalment iqanqlu aktar sentiment kontra l-UE u jwasslu għal konfużjoni dwar l-aħjar aġir fil-qasam tal-immigrazzjoni u t-terroriżmu. L-UE trid tikkonsolida l-operat tagħha u tippreżentah b’mod li jinftiehem u jkun apprezzat mill-popli f’pajjiżhom. Ilna żmien twil ngħidu dan kollu iżda li jiġri huwa dan – wara li jkun intqal il-paroli kollu, fi Brussell kollox jerġa’ jibqa’ miexi bl-istess mod.”
Il-kriżi li qanqlet il-Brexit hija turija oħra tat-tensjoni li se tibqa’ ssus fl-Unjoni Ewropea bejn il-prinċipju tal-għaqda kontinentali u l-ġibda lejn aktar kontrolli nazzjonali fuq id-destin tal-istati membri tal-UE. Dan qalu Alfred Sant quddiem udjenza numeruża dwar l-immigrazzjoni u t-terroriżmu fl-Ewropa fl-INSPIRE f’Marsaskala. Dr Sant qal li l-immigrazzjoni u l-awsterita`, taħt ir-regoli tat-tmexxija ekonomika neo-liberali, żiedu din it-tensjoni; tensjoni li minn dejjem kienet b’saħħitha fir-Renju Unit, imma li issa qed tikber madwar l-Istati Membri kollha.
Dr Sant qal li l-Brittanniċi minn dejjem sabuha diffiċli biex jadattaw għar-regoli tal-UE. “Il-Brittanniċi qatt ma jitkellmu dwar ‘Ewropa’, imma dwar ‘is-suq komuni’. Issa li nqatgħu mill-UE, it-tama tagħhom se tkun li r-Renju Unit ma jinħakimx minn partiti tal-lemin. Dawn il-partiti jistgħu jżommu immigranti ġodda milli jidħlu f’pajjiżhom imma b’reazzjoni għal dan, jistgħu jqanqlu t-theddida tat-terroriżmu.”
Il-Konferenza organizzata mill-Uffiċċju ta’ Dr Sant u l-S&D kienet indirizzata wkoll minn Mark Camilleri u Nikita Zammit Alamango.
L-AĦĦAR ĊENA
Read MoreL-UE TRID TEVITA ŻEWĠ TENTAZZJONIJIET
Read MoreELEZZJONIJIET INKONKLUSSIVI FI SPANJA
Read MoreGĦODDA BIEX JOĦORĠU AKTAR PAJJIŻI MILL-UE
Read MoreJINBIDLU R-REGOLI TAL-FRUNTIERI TAX-SCHENGEN
Read More890, 000 RUĦ KISBU ĊITTADINANZA EWROPEA FL-2014
Read MoreDIFFIKULTAJIET GĦALL-BDIEWA EWROPEJ
Read MoreID-DESTIN TAL-GLYPHOSATE F’IDEJN IL-KUMMISSJONI
Read MoreJINBXU LIL XULXIN BL-INGLIŻ
Read More
Post a comment