Franza qed thedded li topponi t-TTIP wara r-rivelazzjonijiet dwar in-negozjati għal kummerċ ħieles bejn l-UE u l-Istati Uniti. François Hollande saħaq li pajjiżu huwa kontra kummerċ ħieles mhux regolat. “L-UE ilha tagħmel proposti mingħajr l-ebda reċiproċita` mill-Istati Uniti. Dan mhux aċċettabbli. L-aħjar soluzzjoni hi li nwaqqfu d-diskussjonijiet” żied jgħid il-Ministru tal-Kummerċ Franċiż Matthias Fekl. Fekl jemmen li l-Amerikani ma jridux jisimgħu bl-aċċess tal-industriji żgħar fis-suq Amerikan; bil-protezzjoni tal-agrikoltura Ewropea; bl-indikazzjonijiet ġeografiċi u bir-rispett lejn il-livelli ambjentali għolja li ngawdu fl-Ewropa. Jidher li baqa’ ħafna xi jsir biex jingħalqu n-negozjati sa tmiem 2016.
Is-sentiment tqanqal wara li l-għaqda Greenpeace żvelat dokumenti sigrieti dwar in-negozjati bejn l-Unjoni Ewropea u l-Istati Uniti. Il-ftehim jolqot aktar minn 800 miljun ċittadin fl-UE u fl-Istati Uniti. Greenpeace qed tgħid Ii t-TTIP huwa biss trasferiment tal-poter tal-poplu lill-kumpaniji multinazzjonali.
Greenpeace qalet li erba’ aspetti f’din il-pożizzjoni huma inkwetanti ħafna. Iż-żewġ naħat qed iġibu l-ekonomija u l-profitti qabel is-saħħa tal-bniedem, l-annimali u l-ħxejjex. Tgħid li ma hemmx referenza għall-protezzjoni tal-klima u qed targumenta li bil-ftehim din il-protezzjoni se tkun aktar diffiċli. It-TTIP jħalli bieb miftuħ biex il-kumpaniji multinazzjonali jheddu l-ambjent u d-drittijiet tal-konsumaturi.
Il-KE sfidat il-konklużjonijiet tal-Greenpeace u saħqet li l-Greenpeace waslet għal ‘konklużjonijiet ħżiena’ u li ma ġie żvelat xejn ġdid milli kien diġa` magħruf. Hija minn ewl id-dinja li żewġ naħat ikollhom pożizzjonijiet differenti, qalet il-KE : “F’ċerti oqsma kien hemm qbil, f’ċerti oqsma mxejna ’l quddiem u f’oħrajn mhux se naqblu. L-ebda ftehim m’hu se jnaqqas mill-protezzjoni tal-konsumaturi, tal-ambjent u tas-saħħa tal-bniedem. Il-ftehim mhux se jillimitana biex fil-futur jiddaħħlu regoli ġodda li jipproteġu ċ-ċittadini u l-ambjent.” Il-Kummissjoni insistiet li l-istandards Ewropej mhux se jitbaxxew u li dak li ġie żvelat jirrifletti l-pożizzjonijiet taż-żewġ naħat, li mhux bilfors ikunu aċċettati.
Jibqa’ l-fatt li d-dokumenti sigrieti li żvelaw il-Greenpeace jikxfu l-pożizzjoni Amerikana li sa issa kienet baqgħet mistura. Id-dokumenti juru żbilanċ fin-negozjati tat-TTIP. Ma niħduhiex bi kbira jekk dawn il-‘leaks’ ikomplu jitfgħu lura l-possibilita` li l-ftehim jingħalaq qabel tintemm il-Presidenza ta’ Obama fi tmiem din is-sena.
FRANZA THEDDED LI TIFFRIŻA N-NEGOZJATI TAT-TTIP
Read MoreTRID TĦALLAS BIEX MA TIĦUX IMMIGRANTI
Read MoreTKABBIR EKONOMIKU STABBLI FL-2016
Read MoreID-DEĊIŻJONIJIET EWROPEJ LI JAFFETTWAW LIL PAJJIŻNA
Read MoreJINĦATRU L-MEMBRI TAL-QORTI EWROPEA TAL-AWDITURI
Read MoreJIŻDIEDU L-IMPJIEGI
Read MorePRODOTTI PERIKOLUŻI : L-AKTAR MIĊ-ĊINA U ‘ONLINE’
Read MoreJONQSU D-DEJN U D-DEFIĊIT FL-EWROPA
Read MoreTIŻDIED L-ESPORTAZZJONI AGRARJA
Read More€70 BILJUN FIS-SENA FI SPEJJEŻ MINĦABBA L-OBESITA`
Read MoreSKONTIJIET GĦAL KULĦADD F’EURODISNEY
Read MoreMalta u l-Unjoni Ewropea NL39
Read More
Post a comment