Il-Kummissjoni Ewropea ħabbret sanzjonijiet finanzjarji għal dawk il-pajjiżi li jirrifjutaw li jieħdu l-immigranti taħt l-iskema ta’ rilokazzjoni. Kull pajjiż tal-UE se jħallas €250,000 għal kull rifuġjat li jirrifjuta. Din il-miżura hija parti minn regoli oħra magħmula apposta biex jirriformaw it-Trattat ta’ Dublin li jirreferi għal-liġijiet u r-regoli tal-UE dwar l-immigrazzjoni u l-ażil.
It-tieni pass huwa li l-proposti tal-Kummissjoni jsiru liġijiet. Jekk dan iseħħ, l-ewwel stat membru li fuqu jirfsu l-immigranti jkollu jipproċessa t-talbiet tal-ażil, imma kontra dak li qed jiġri bħalissa, ma jkollux għalfejn iżomm l-immigranti li jaslu għandu. Din ir-regola għandha l-għan li tħaffef ftit mill-piżijiet li qed iġorru l-pajjiżi li jinsabu fil-fruntieri esterni tal-UE. Ħafna minn dawk li jfittxu kenn fl-Ewropa jirrifjutaw li jagħmlu talba għall-ażil fl-ewwel stat membru li jirfsu fuqu għax ikunu jridu jmorru fi stat membru ieħor. Allura jimxu għal stati oħra tal-UE b’mod illegali. Permezz ta’ din ir-regola, l-UE trid twaqqaf dan l-aġir ukoll.
L-UE se tagħti numru ta’ kemm kull pajjiż jiflaħ jirreġistra immigranti. Jekk in-numru tal-wasliet jilħaq 150% tat-total li jista’ jirċievi pajjiż, jiskatta mekkaniżmu korrettiv u l-applikazzjonijiet l-ġodda jkunu rilokati għal pajjiż ieħor, sakemm in-numru ta’ applikazzjonijiet jerġa’ jinżel taħt il-150%.
Il-problema tal-Kummissjoni hija li hemm pajjiżi li ma jridux jieħdu sehem fl-iskema ta’ rilokazzjoni. L-Ungerija ħabbret referendum dwar din il-kwistjoni u s-Slovakkja sejra l-qorti minħabba skema ta’ rilokazzjoni.
It-tweġiba tal-Kummissjoni hija – ma tridx tieħu immigranti? Ħallas għalihom minflok. Il-gvernijiet nazzjonali jkollhom permess ma jiħdux sehem fl-iskema jekk ikunu lesti jħallsu lill-istat membru li jkun qed jieħu ħsieb l-immigranti tagħhom.
Il-Kummissjoni ppreżentat ukoll il-proposta biex it-Torok jidħlu fix-Xengen mingħajr visa. It-Turkija wettqet 10 mit-72 kriterju li kellha ddaħħal sal-aħħar ta’ Ġunju. L-awtoritajiet Torok neħħew il-ħtieġa ta’ visa għal 11-il stat membru li bħalissa għandhom bżonn il-visa biex jidħlu t-Turkija, fosthom il-Pollakki u ċ-Ċiprijotti. Dan għamlitu biex tirreċiproka l-aġir tal-UE. Il-Kummissjoni ħabbret li se tagħmel xi ħaġa simili mal-Kosovo.
Il-Kummissjoni ppreżentat ukoll ir-rakkomandazzjonijiet tagħha lill-Kunsill dwar l-estensjoni tal-kontrolli fil-fruntieri tal-Ġermanja, id-Danimarka, Franza, Awstrija u Svezja.
FRANZA THEDDED LI TIFFRIŻA N-NEGOZJATI TAT-TTIP
Read MoreTRID TĦALLAS BIEX MA TIĦUX IMMIGRANTI
Read MoreTKABBIR EKONOMIKU STABBLI FL-2016
Read MoreID-DEĊIŻJONIJIET EWROPEJ LI JAFFETTWAW LIL PAJJIŻNA
Read MoreJINĦATRU L-MEMBRI TAL-QORTI EWROPEA TAL-AWDITURI
Read MoreJIŻDIEDU L-IMPJIEGI
Read MorePRODOTTI PERIKOLUŻI : L-AKTAR MIĊ-ĊINA U ‘ONLINE’
Read MoreJONQSU D-DEJN U D-DEFIĊIT FL-EWROPA
Read MoreTIŻDIED L-ESPORTAZZJONI AGRARJA
Read More€70 BILJUN FIS-SENA FI SPEJJEŻ MINĦABBA L-OBESITA`
Read MoreSKONTIJIET GĦAL KULĦADD F’EURODISNEY
Read MoreMalta u l-Unjoni Ewropea NL39
Read More
Post a comment