Ir-raħħala Għawdxin u Maltin jeħtieġu appoġġ sħiħ mill-Gvern biex ikun żgurat ħidmiethom fil-produzzjoni tal-ħalib. Ir-raħħala qed jaffaċċjaw kompetizzjoni żbilanċjata minn mindu Malta ngħaqdet mal-UE. Filwaqt li r-raħħala Għawdxin u Maltin jaħdmu fuq skala żgħira ħafna, il-kompetituri Ewropej tagħhom għandhom azjendi agrikoli fuq skala ferm akbar li jippermettulhom joħorġu bi prezzijiet aħjar.
Dan qalu Alfred Sant meta żar ir-razzett tal-baqar tas-Sur Salvu Tabone f’Ta’ Kerċem Għawdex. Dil-familja ilha trabbi l-baqar għal produzzjoni tal-ħalib għal bosta snin.
Hemm madwar mitt baqra f’dan ir-razzett. L-ispejjeż tar-razzett u tal-għalf tal-annimali żdiedu ferm f’dawn l-aħħar snin. L-għalf jammonta għal 50-70% tal-ispejjeż totali fil-produzzjoni tal-annimali.
In-numru ta’ baqar fir-razzett tiegħu naqas bi kwart f’dawn l-aħħar erba’ snin.
Alfred Sant qal li se jagħmel l-għalmu tiegħu biex jgħin lir-raħħala Għawdxin u Maltin jirċievu l-għajnuna bl-użu ta’ fondi Ewropej li jipprovdu inċentivi għal bdiewa u r-raħħala biex imantnu l-livelli attwali tal-produzzjoni f’setturi jew reġjuni speċifiċi fejn għal raġunijiet ekonomiċi, soċjali jew ambjentali jgħaddu minn ċerti diffikultajiet.
Sant qal is-soċjeta` tagħna għandha tiżgura li l-irziezet tal-bhejjem madwar Malta u Għawdex jibqgħu fuq saqajhom. Huwa inkwetanti ħafna li l-bdiewa tal-bhejjem tagħna kontinwament jistaqsu lilhom infushom jekk jagħmilx sens li jkomplu fil-ħidma tal-produzzjoni tal-bhejjem fl-irziezet tagħhom.
INKWIET GĦALL-BOEING 737
Read More
FL-INTERESS TA’ GĦAWDEX DAQS TAL-PAJJIŻI L-KBAR
Read More
IL-GWU FAVUR ŻJIEDA FIL-PAGA MINIMA FL-EWROPA
Read More
IĊ-ĊINA ‘AVVERSARJU’ TAL-EWROPA
Read More
IT-TURKIJA TITBIEGĦED MIN-NATO
Read More
IR-RAĦĦALA JEĦTIEĠU APPOĠĠ SĦIĦ
Read More
SPANJOLI ID F’ID MA’ ORBAN
Read More
TAJANI IFAĦĦAR LIL MUSSOLINI
Read More
Post a comment