Fis-7 ta’ Mejju l-Franċiżi se jagħżlu bejn kandidat indipendenti favur aktar integrazzjoni Ewropea jew kandidata tal-Lemin Estrem li wiegħdet li tisfida l-globalizzazzjoni u r-relazzjoni ta’ Franza mal-UE. Dan wara li l-Franċiżi ċaħdu ż-żewġ partiti l-kbar li ggvernaw pajjiżhom għal snin twal favur għażla ġdida.
Jitla’ min jitla’ bejn il-kandidat taċ-Ċentru Emmanuel Macron jew il-Populista Marine Le Pen, Franza se teleġġi President għal bidla.
Il-Lemin Estrem diġa` jmexxi tmint ibliet u għandu 20 Ewroparlamentari fil-Parlament Ewropew imma ma jinżilx tajjeb max-xandir lokali.
Il-moviment En Marche! twaqqaf fl-2016 u s’issa qatt ma kkontesta elezzjoni, l-anqas il-fundatur tiegħu Emmanuel Macron, li għal xi żmien kien il-Ministru tal-Ekonomija tas-Soċjal-Demokratiku Francois Hollande.
Il-Franċiżi se jkunu qed jiddeċiedu dwar il-post ta’ Franza fl-Unjoni Ewropea. Jekk jagħżlu lil Macron ikunu qed jagħżlu l-kandidat li jixtieq riformi fl-UE iżda wkoll aktar integrazzjoni Ewropea. Macron jaqbel ma’ baġit u Super-Ministru tal-Finanzi għaż-żona ewro.
Jekk minflok titla’ Marine Le Pen il-votanti jkunu għażlu l-oppost. Hi trid Ewropa tan-nazzjonijiet li tieħu post l-Unjoni Ewropea. “Nagħti lili nnifsi sitt xhur biex ninnegozja lura s-sovranita` ta’ pajjiżi. Imbagħad ikunu l-Franċiżi li jiddeċiedu,” qalet Le Pen fil-kampanja.
L-istħarriġ pubbliku jagħti vantaġġ lil Macron li qed ikun imbassar li ġibed warajh il-voti tal-kandidati li ma baqgħux fit-tellieqa. Dan minkejja li Le Pen irriżenjat minn kap tal-Front National f’attentat biex tiġbed aktar votanti lejha.
JIDDEĊIEDU POST FRANZA FL-UE
Read MoreL-UE FAVUR DJALOGU MAT-TURKIJA
Read MoreIS-27 LESTI GĦAN-NEGOZJATI TAL-BREXIT
Read MoreID-DIVALWAZZJONI INTERNA TEFFETTWA ĦAŻIN IL-KOEŻJONI SOĊJALI
Read MoreIL-ĠRAJJIET FI FRANZA, L-UKRAINA U T-TURKIJA JIGGRAVAW IL-KSUR TAD-DRITTIJIET TAL-BNIEDEM
Read MoreAKTAR JEW ANQAS EWROPA SOĊJALI?
Read MoreL-UE TAGĦTI L-AŻIL LIL 700,000 IMMIGRANT FL-2016
Read MoreL-EWROPEJ FAVUR L-GĦAJNUNA UMANITARJA
Read More
Post a comment