L-EWROPEJ FAVUR L-GĦAJNUNA UMANITARJA

89% taċ-ċittadini Ewropej jemmnu li għandha tingħata l-għajnuna lil popolazzjonijiet f’pajjiżi li għadhom qed jiżviluppaw bħala miżura effettiva kontra l-faqar. Dan ħareġ minn studju li sar fost il-popli Ewropej biex toħroġ fehmiethom dwar il-kooperazzjoni u l-għajnuna lil pajjiżi li qed jiżviluppaw u r-rwol tal-UE fl-iżvilupp tagħhom.

L-għajnuna tal-UE tmur lejn madwar 100 pajjiż differenti, mill-Afghanistan sa Zimbabwe. Bħalissa l-Unjoni qed tagħti prijorita` lill-ifqar pajjiżi fid-dinja. Madwar 75% tal-għajnuna qed tmur lil dawn il-pajjiżi u lil pajjiżi oħra milquta minn diżastri naturali jew minn kunflitti.

L-UE mal-Istati Membri tagħha hija l-ikbar donatur fid-dinja.