Id-delegazzjoni Laburista fil-Parlament Ewropew se tibqa’ magħquda biex tħares is-sovranita` tal-Gvern Malti, b’mod speċjali fil-politika ta’ tassazzjoni u se tibqa’ tikkombatti l-mewġa li hemm fl-Ewropa kontra s-servizzi finanzjarji fi stati żgħar bħal tagħna. Dan qalu Alfred Sant Kap tad-Delegazzjoni Laburista fil-Parlament Ewropew fil-Belt Valletta li saħaq li l-Ewroparlamentari Laburisti se jibqgħu jitkellmu favur il-flessibilita` għal stati żgħar bħal Malta u jisħqu li l-politika ta’ one-size-fits-all mhix fl-interess ta’ pajjiżna.
Dr Sant qal li tul 2017 Malta ħarġet bl-unuri bil-Presidenza tal-UE fl-ewwel nofs ta’ dis-sena u ħalliet impatt pożittiv fl-Unjoni Ewropea. Il-Prim Ministru Malti qed jiddistingwi ruħu fost il-mexxejja tal-aktar stati b’saħħithom fl-Ewropa, il-gvern Malti qed jiżgura li pajjiżna jimxi ’l quddiem daqs u aktar minn stati membri oħra fl-UE bil-ħolqien tal-impjiegi u bit-twettiq tal-politika soċjali f’pajjiżna waqt li r-rappreżentanti tal-Partit Laburista fil-Parlament Ewropew baqgħu viċin iċ-ċittadini u jwasslu l-vuċi u l-aspirazzjonijiet tagħhom.
Dr Sant qal li d-delegazzjoni tal-PN fil-Parlament Ewropew darba wara l-oħra qiegħda timmina l-interessi nazzjonali.
“L-Ewroparlamentari tal-PN issa qablu li l-Gvern Malti jitilef is-sovranita` fuq it-tassazzjoni. Il-gvernijiet kollha Maltin, inkluż dak ta’ Gonzi, qatt ma ċedew is-sovranita` fuq it-tassazzjoni. Iżda dawn jaħsbuha mod ieħor.” qal Alfred Sant.
FIDUĊJA FIS-SENA 2018
Read MoreIL-KUMMISSJONI TINVESTIGA L-IKEA
Read MoreNIBGĦQU NIDDEFENDU S-SOVRANITA` TA’ MALTA
Read MoreTENSJONI BEJN VARSAVJA U BRUSSELL
Read MoreL-EWROXETTIĊI L-AKBAR FL-ITALJA
Read MoreL-EWROPEJ IWISSU LILL-ISTATI UNITI DWAR RIFORMI FIT-TAXXA
Read MoreL-IRLANDA U S-SUD TAL-ĠERMANJA L-AKTAR LI SE JINTLAQTU MILL-BREXIT
Read MoreSKAMBJU TA’ INFORMAZZJONI KONTRA T-TERRORIŻMU U L-KRIMINALITA`
Read More
Post a comment