L-attakki terroristiċi fl-Ewropa saru n-normalita`. F’anqas minn ġimagħtejn il-kalma fl-Ewropa sfat mhedda minn attakki vjolenti fl-Ewropa li ħallew għexieren ta’ vittmi. Wara l-attakk ta’ Bastilja f’Nizza, seħħ l-attakk bil-mannara fil-ferrovija f’Wurzbur, l-isparar fi Munich, l-attakk suwiċida tas-Sirjan li sploda lilu nnifsu f’Ansbach, l-attakk u l-qtil ta’ mara tqila f’Reutlingen, l-isparatura fuq tabib fl-isptar Ġermaniż Charite` University Hospital u l-attakk f’Rouen fi Franza. Dawn l-attakki ħolqu mwiet, midruba u kaos. L-iskop u ċ-ċirkostanzi tal-attakki kienu differenti, imma issa t-terrur infirex ukoll fil-Ġermanja. L-aħħar terrur f’dan il-pajjiż u fl-Ewropa kien fis-snin 70 u 80 meta militanti kienu joqtlu l-mijiet għal skopijiet politiċi fil-Ġermanja, l-Italja, Spanja u fir-Renju Unit.
Hemm differenza bejn terroriżmu u qtil tal-massa minn individwi instabbli. Dawn l-atti ma konniex nisimgħu bihom sa sentejn ilu, iżda l-prevalenza tagħhom tista’ tħajjar ripetizzjoni ta’ reati simili. Huwa faċli li individwi instabbli jassorbu l-vjolenza u l-aggressjoni tal-attakki li qed isiru u jitħajru jippruvaw attentati akbar ta’ vjolenza. Din hija realta` ġdida. Realta` li turi l-importanza li titjieb l-informazzjoni miġbura mill-aġenziji ta’ spjunaġġ Ewropej ta’ individwi perikolużi mentalment.
L-aħħar attakk fil-Ġermanja kompla jżid l-iskumdita` dwar il-politika ta’ Angela Merkel li aċċettat miljun immigrant fil-pajjiż fl-aħħar sena minn dawk li kienu qed jaħarbu mill-Afganistan, is-Sirja u l-Iraq. “Huwa tal-biża’ li xi ħadd li ġie għall-kenn f’pajjiżna wettaq attakk suwiċida” qal il-Ministru tal-Intern Joachim Herrmann.
Kemm jekk huma terroristi jew mentalment instabbli, dawn qed jitterrorizzaw u jibdlu l-ħajja tal-Ewropej. Jidher ċar li s-servizzi tas-sigurta` fl-Ewropa huma aktar imħarrġa biex isibu networks tat-terrur, milli jaslu għal dawk li qed ikunu deskritti bħala ‘ilpup solitarji’. Diffiċli, jekk mhux impossibbli, li tagħraf minn qabel lil min mhux magħruf mas-servizzi ta’ spjunaġġ jew mal-pulizija. Dawn iċ-ċirkostanzi ġodda jitolbu preżenza akbar ta’ suldati u forom ta’ sigurta`.
Bla dubju it-theddida tal-gruppi Ġiħadisti u l-‘ilpup solitarji’ li qed ifeġġu fi bliet Ewropej se jkomplu jġebbdu x-xogħol tal-aġenziji ta’ spjunaġġ u d-dipartimenti tal-Pulizija fl-Ewropa. Fl-aħħar xhur kien hemm żjieda enormi fl-arresti ta’ Islamiċi radikali u suspettati nazzjonalisti fl-Ewropa. Iżda fil-verita` dan mhux biżżejjed biex jilqa’ għall-eventwalita` ta’ vjolenza u attakki terroristiċi.
SAJF TA’ BIŻA’
Read More
FRANZA TITLOB L-GĦAJNUNA TAL-EWROPA
Read More
IR-RENJU UNIT MA KIENX LEST GĦAL BREXIT
Read More
IŻOMMU D-DRITTIJIET TAGĦHOM SAKEMM IR-RENJU UNIT JIBQA’ FL-UE
Read More
IL-BANK ĊENTRALI EWROPEW MA JĊAĊLAQ XEJN
Read More
PROPOSTI GĦALL-INVESTIMENT FL-ISTATI MEMBRI TAL-UE
Read More
BIL-PIENA KAPITALI T-TURKIJA MA SSIRX MEMBRU TAL-UE
Read More
KAPITLI IMPORTANTI GĦAS-SĦUBIJA TAS-SERBJA
Read More
IMWISSIJA MA JFITTXUX MOSTRI FIL-BOSNJA
Read More
Post a comment