KAPITLI IMPORTANTI GĦAS-SĦUBIJA TAS-SERBJA

L-UE u s-Serbja fetħu żewġ kapitli importanti fil-proċess ta’ sħubija ta’ dan il-pajjiż fl-Unjoni: kapitlu 23 dwar għodda ġudizjarji u drittijiet fundamentali u kapitlu 24 dwar il-liberta`, is-sigurta` u l-ġustizzja.

Is-Slovakkja, li bħalissa għandha l-Presidenza tal-UE, qalet li dan huwa pass importanti għas-Serbja għax il-kapitli jitrattaw il-valuri u l-prinċipji bażiċi tal-UE. Il-Prim Ministru Serb Aleksandar Vucic wera l-entużjażmu tiegħu billi qal li din hija ġurnata importanti għal pajjiżu filwaqt li l-Kummissjoni qalet li s-Serbja ppreparat pjan sod u ambizjuż.

B’dawn iż-żewġ kapitli, l-UE u s-Serbja fetħu erba’ kapitli ta’ negozjar minn total ta’ 35. Iż-żewġ kapitli li nfetħu jerġgħu jingħalqu wara li s-Serbja tkun temmet in-negozjati tagħha u tkun saret parti mill-UE. Il-Kummissjoni qalet li jistgħu jinfetħu 4 kapitli oħra din is-sena, fosthom dawk dwar il-politika tal-intrapriżi u l-industrija, ix-xjenza u r-riċerka u l-edukazzjoni u l-kultura.