REAZZJONIJIET KONTRASTANTI GĦALL-BREXIT

Qed ikun hemm reazzjonijiet kontrastanti mis-setturi tal-kummerċ madwar id-dinja dwar l-effetti tal-BREXIT. Il-prospett li r-Renju Unit  joħroġ mill-Unjoni Ewropea qed jaffettwa l-kunfidenza ta’ operaturi ekonomiċi fiċ-Ċina, l-Amerika Latina u l-Karibew. Dawn qed jiddubitaw fuq l-utilita` li jinvestu fl-Ewropa. Kmamar tal-kummerċ fl-Amerika Latina, l-Istati Uniti, it-Turkija, l-Afrika u l-Asja tal-Paċifiku jemmnu li l-vot tal-poplu Ingliż jitfa’ inċertezza dwar il-proġett Ewropew u anki jaffettwah ħażin. Dawn jinsabu mħassba dwar l-instabilita` politika u soċjali, l-aċċess għal finanzjamenti u l-instabilita` fis-sistema finanzjarja.

Fiċ-Ċina, Iran u l-Istati tal-Golf, l-opinjoni hija differenti. Dawn jemmnu  li l-BREXIT mhux se jaffettwa l-proġett Ewropew.

Fl-Indja u r-Russja jgħidu li għadu wisq kmieni biex ibassru x’se jiġri.

Minkejja l-inċertezza l-kmamar tal-kummerċ baqgħu pożittivi dwar it-tkabbir u t-tbassir ekonomiku għas-sena 2017 li mistenni jkun 3 u 4% tal-Prodott Domestiku Gross Ewropew.