Alfred Sant talab lill-istituzzjonijiet Ewropej li huma involuti fin-negozjati dwar il-BREXIT, biex ikunu ċari kemm jistgħu lejn iċ-ċittadini Ewropej dwar l-isfidi u l-problemi li n-negozjaturi tal-BREXIT se jkunu qed jindirizzaw. Huwa importanti ħafna li tinbeda d-diskussjoni dwar l-arranġamenti interni qabel ma n-negozjati tal-BREXIT ikunu finalizzati, l-aktar fil-qasam tal-implikazzjonijiet finanzjarji għall-UE. Dr Sant indirizza l-Plenarja tal-Parlament Ewropew waqt li r-rappreżentanti tal-Presidenzi tal-UE fil-Kunsill Ewropew ippreżentaw is-suġġetti ewlenin li se jkunu diskussi fil-Kunsill Ewropew bejn l-20 u l-21 ta’ Ottubru u li jinkludu l-immigrazzjoni, il-kummerċ u r-relazzjonijiet tal-UE mar-Russja. Il-parti l-kbira tal-Ewroparlamentari li indirizzaw il-laqgħa wkoll enfasizzaw li l-BREXIT huwa suġġett importanti u li għandu jkun indirizzat mill-kapijiet tal-istati membri.
Dr Sant qal li wieħed jaċċetta li l-Unjoni ma għandhiex waħedha jew b’kuntatti informali mar-Renju Unit, tibda tanalizza għażliet differenti għan-negozjati tal-BREXIT qabel jibdew. L-istess ma għandux jgħodd għall-arranġamenti interni tal-UE ġaladarba l-BREXIT ikun se jispiċċa. Dan huwa rilevanti ħafna għall-implikazzjonijiet finanzjarji tal-Unjoni mingħajr ir-Renju Unit.
Dr Sant qal li l-media u l-uffiċċji tar-riċerka għamlu l-kalkoli tagħhom. “Id-dħul tal-Unjoni se jsofri min-nuqqas sostanzjali meta r-Renju Unit ma jibqax jikkontribwixxi. X’se jkunu l-implikazzjonijiet ta’ dan għall-proġetti Ewropej attwali u tal-futur? Kemm se jiġi jiswa dan in-nuqqas mil-lat purament ta’ kontabilita`? U mil-lat operazzjonali? Dan id-defiċit kif se nagħmlu tajjeb għalih?” staqsa Dr Sant.
Dawn il-mistoqsijiet bla ebda mod ma jippreġudikaw negozjati futuri tal-BREXIT. Jirrelataw għall-għażliet disponibbli għall-organizzazzjoni interna tal-UE wara l-BREXIT. Informazzjoni ħażina dwarhom tista’ tikkontribwixxi għall-inċertezza, l-istess kif qed tikkontribwixxi l-istennija biex jibdew n-negozjati tal-BREXIT. Jekk il-Kummissjoni u/jew il-Kunsill jipprovdu pubblikament sfond dettaljat tal-problemi u l-isfidi f’dan il-qasam, ikunu qed jgħinu biex inaqqsu l-inċertezza, qal Dr Sant.
SFIDI ĠODDA GĦALL-EWROPA
Read More L-IMPLIKAZZJONIJIET FINANZJARJI TAL-BREXIT GĦANDHOM IKUNU SPJEGATI
Read MoreREAZZJONIJIET KONTRASTANTI GĦALL-BREXIT
Read MoreIL-ĠERMANJA U L-AWSTRIJA JESTENDU L-KONTROLLI FUQ IL-FRUNTIERI
Read MoreAPPROVAT RAPPORT TA’ ALFRED SANT DWAR PRIJORITAJIET EKONOMIĊI TAL-UE
Read MoreL-EWROPA BŻONN RIFORMI LI JINKORAĠĠIXXU L-INVESTIMENTI
Read MoreMHUX KULL PAJJIŻ QED IŻOMM ID-DETTALJI TAL-PASSIĠĠIERI MIL-LINJI TAL-AJRU
Read MoreB’€1 IL-PARLAMENT EWROPEW JAKKWISTA MUŻEW
Read More
Post a comment