Il-Gvernatur tal-Bank Ċentrali Franċiż François Villeroy de Galhau qal li l-Ewropa għandha bżonn riformi li jinkoraġġixxu l-investimenti u saħaq li l-fiduċja hija essenzjali fil-ħolqien ta’ investimenti ġodda fl-Ewropa. Monsieur Galhau qal dan waqt li wieġeb intervent ta’ Alfred Sant fil-Kumitat tal-Affarijiet Monetarji u Ekonomiċi tal-Parlament Ewropew (ECON) li staqsih jiċċara aħjar ir-raġunijiet li qed iwasslu għan-nixfa kbira ta’ investimenti fl-Ewropa.
Dr Sant talab lill-Gvernatur Franċiż biex jelabora dwar il-proposta ta’ ministru tal-finanzi għaż-żona ewro. Monsieur Galhau qal li l-ewwel pass urġenti u importanti huwa l-ħolqien ta’ Ministru tal-Finanzi Ewropew bi rwol ta’ koordinatur u rwol fil-baġit. Il-kwistjoni preżentement hija l-investiment. Din hija l-qalba tal-marda Ewropea. Mhux tal-Ewropa biss, hija preżenti fl-Istati Uniti bl-istaġnar. Imma tinħass l-aktar fl-Ewropa: irridu norganizzaw flimkien il-Pjan ta’ Investiment ta’ Juncker u tal-Capital Markets Union (CMU).
“Għandna bżonn politika aktar ‘business-friendly’ biex inżidu l-imprenditorija. Din hija waħda min-nuqqasijiet tagħna.”qal il-Gvernatur tal-Bank Ċentrali Franċiż.
Segwi l-intervent ta’ Dr Sant u Monsieur Galhau fuq din il-link:
https://www.youtube.com/watch?v=vaQNnj5BDI0
SFIDI ĠODDA GĦALL-EWROPA
Read More
L-IMPLIKAZZJONIJIET FINANZJARJI TAL-BREXIT GĦANDHOM IKUNU SPJEGATI
Read More
REAZZJONIJIET KONTRASTANTI GĦALL-BREXIT
Read More
IL-ĠERMANJA U L-AWSTRIJA JESTENDU L-KONTROLLI FUQ IL-FRUNTIERI
Read More
APPROVAT RAPPORT TA’ ALFRED SANT DWAR PRIJORITAJIET EKONOMIĊI TAL-UE
Read More
L-EWROPA BŻONN RIFORMI LI JINKORAĠĠIXXU L-INVESTIMENTI
Read More
MHUX KULL PAJJIŻ QED IŻOMM ID-DETTALJI TAL-PASSIĠĠIERI MIL-LINJI TAL-AJRU
Read More
B’€1 IL-PARLAMENT EWROPEW JAKKWISTA MUŻEW
Read More
Post a comment