ARINGI FLOK SOTTOMARINI RUSSI

Fis-snin tmenin in-navy Svediża kienet spiss tisma’ ħsejjes taħt il-baħar. Dawn il-ħsejjes għal ħafna snin ġew ikklassifikati bħala sottomarini Russi ostili. Is-suspett tant eskala li fl-1994 inħoloq kunflitt diplomatiku bejn l-Isveżja u r-Russja meta l-Prim Ministru Svediż ta’ dak iż-żmien Carl Bildt kiteb ittra ta’ rabja lil Boris Yeltsin.

Il-Professur Magnus Wahlberg ħadem man-Navy Svediża biex jipprova jifhem x’kienu dawn il-ħsejjes. Wettaq ħafna esperimenti u għamel analiżi elaborata tas-sitwazzjoni. Ir-riċerka tiegħu uriet li l-ħsejjes ma kinux sottomarini Russi iżda kienu ġejjin mill-gass tal-ħut tal-aringi. L-aringi huma komuni fil-baħar Baltiku u jħobbu jgħumu fi ġliba li ħafna drabi tilħaq daqs enormi. Meta dan il-ħut kollu jitfa’ l-arja jiġġenera ħafna ħsejjes qawwija.

Din is-sejba rebbħet lil Magnus u lil kollega tiegħu Haaken Westerberg il-premju Nobel fil-Bioloġija fl-2004. Il-premju nqasam ma’ riċerkaturi oħra mill-Iskozja u l-Kanada li b’mod indipendenti wettqu riċerka simili fuq il-gass li joħroġ mill-aringi iżda li qatt ma fakkarhom f’sottomarini Sovjetiċi.