GRUEVSKI PROTETT FL-UNGERIJA

Nikola Gruevski, Ex-Prim Ministru tal-Maċedonja ikkundannat b’reati ta’ korruzzjoni f’pajjiżu, qed jingħata ażil politiku fl-Ungerija. Il-Kummissjoni Ewropea qed titlob spjegazzjoni minn għand il-PM Ungeriż Viktor Orbán.

L-Ungerija stqarret li aċċettat it-talba tal-ażil ta’ Gruevski għax is-sitwazzjoni tal-ħabsijiet tal-Maċedonja mhix sigura. Iżda l-Maċedonja hija fil-lista ta’ pajjiżi siguri tal-Ungerija. Il-Kummissarju Johannes Hahn staqsa kif l-Ungerija tappoġġja id-dħul tal-Maċedonja fl-UE jekk “ma tikkonsidrahiex sigura.”

Ħafna qed jistaqsu għaliex l-Ungerija qed tagħti ażil lil Prim Ministru b’sentenza ta’ sentejn ħabs fuq korruzzjoni iżda mhix tagħti ażil lil tfal li qed jaħarbu l-gwerer.