Il-Kummissjoni Ewropea fetħet proċeduri dixxiplinari kontra l-Italja wara li l-Gvern Taljan irrifjuta li jippreżenta abbozz tal-baġit li jaqbel mar-regoli tal-UE. Il-Kummissjoni qalet li l-baġit Taljan, li jżid id-defiċit għal 2.4% fl-2019 tal-PGD mill-1.8% ta’ din is-sena, iqanqal tħassib għal fatt li d-dejn pubbliku tal-Italja, li jaqbeż il-130% tal-PGD mhux se jitnaqqas.
L-Italja, it-tielet l-akbar ekonomija tal-Ewropa, għandha it-tieni l-ogħla dejn taż-żona ewro wara l-Greċja.
Il-Viċi President tal-Kummissjoni Ewropea Valdis Dombrovskis qal li l-baġit Taljan ma għandux miżuri sinifikattivi li jagħtu spinta lit-tkabbir ekonomiku.
“B’dak li ppreżenta l-Gvern Taljan qed naraw ir-riskju li l-pajjiż se jimxi lejn l-instabilita`”.
Il-Kummissjoni Ewropea li għandha l-awtorita` tagħti ġudizzju dwar il-pjanijiet tal-baġit tal-pajjiżi irriġettat il-baġit Taljan darbtejn.
L-Italja għandha sa sitt xhur biex turi lil UE li qed tnaqqas id-dejn tagħha, biex tevita li tiġi mmultata.
Id-Deputat Prim Ministru Matteo Salvini qal li lest jemenda l-baġit iżda l-prinċipji prinċipali tiegħu se jibqgħu l-istess. Salvini talab lil Brussell biex “tirrispetta lit-Taljani”, u sostna li l-Italja tikkontribwixxi €5 biljuni aktar minn dak li tirċievi lura mill-UE.
Salvini qal li lest jikkonfronta lil President tal-Kummissjoni Juncker, lil Kummissarju tal-Finanzi Ewropej Moscovici jew kwalunkwe uffiċjal ieħor biex jiddefendi l-proposti tal-gvern tiegħu.
TISSAĦĦAĦ IL-PARTNERSHIP BEJN L-IŻVIZZERA U L-UE
Read More
IL-HOUSE OF COMMONS TIDDEĊIEDI FIL-11 TA’ DIĊEMBRU
Read More
‘NO COMMENT’
Read More
PROĊEDURI KONTRA L-ITALJA
Read More
GRUEVSKI PROTETT FL-UNGERIJA
Read More
‘OPERAZZJONI SOPHIA’ FIL-PERIKLU
Read More
L-EBDA FTEHIM DWAR TAXXI GĦAS-SUQ DIĠITALI
Read More
BENEFIĊĊJI SOĊJALI GĦAR-REFUĠJATI KOLLHA
Read More
Post a comment