IR-RENJU UNIT JIPPROPONI KUMMERĊ ĦIELES MAL-UE

Ir-Renju Unit ippubblika White Paper dwar ir-relazzjonijiet futuri mal-Unjoni Ewropea. Id-dokument, twil 104 paġna, bbażat fuq il-proposta ta’ żona ta’ kummerċ ħieles mal-UE ta’ oġġetti u ta’ regoli komuni, imma differenti għas-servizzi.

Dwar is-servizzi finanzjarji, Londra ma rnexxilhiex iżżomm il-vantaġġi li kellha permezz ta’ passaport Ewropew li kien jiżgura li dan il-pajjiż ikollu aċċess akbar għas-suq Ewropew.

Il-Gvern Britannika kkonfermat it-tmiem tal-moviment ħieles tal-persuni fir-Renju Unit, anki jekk xorta se jsiru programmi ta’ mobilita` u skambju bejn iċ-ċittadini Britanniċi u Ewropej.

Ir-Renju Unit esprima x-xewqa li jibqa’ jipparteċipa f’aġenziji tal-Unjoni Ewropea li jipprovdu awtorizzazzjonijiet għal merkanzija, bħal dawk għal prodotti kimiċi, sigurtà tal-avjazzjoni u mediċini. Ir-Renju Unit jaċċetta r-regoli tagħhom u jikkontribwixxi għal baġit, iżda fl-istess ħin jirrikonoxxi li r-Renju Unit ma għadux stat membru sħiħ. “Din hija relazzjoni mfassla apposta mal-UE u li l-proposti huma kredibbli, b’saħħithom, ambizzjużi u pragmatiċi,” qal il-Ministru Għal Brexit Dominic Raab.

In-negozjatur ewlieni tal-UE għal Brexit, Michel Barnier, laqa’ l-White Paper iżda qed jistenna l-frott ta’ aktar negozjati bejn iż-żewġ naħat.