NEGOZJATI MAL-ISTATI UNITI DWAR IL-KUMMERĊ

Il-President tal-Istati Uniti Donald Trump nieda l-bidu tan-negozjati dwar il-kummerċ mal-UE fiż-żjara tal-President tal-Kummissjoni Ewropea Jean Claude Juncker f’Washington fil-25 ta’ Lulju.

“Ġejna trattati b’mod inġust (mill-UE) fil-qasam tal-kummerċ. Il-bdiewa tagħna tħallew barra mis-suq (tagħha). Naħseb li dan se jinbidel.” qal Trump li żied jgħid li jekk ma jsirx ftehim aħjar, jintaxxa l-miljuni ta’ karozzi Ewropej li qegħdin fis-suq Amerikan u li bħalissa jgawdu minn kważi taxxi xejn.

Trump wissa taxxi fuq l-importazzjoni tal-karozzi Ewropej ta’ 20%.

F’Mejju, Washington nediet investigazzjoni fuq l-importazzjoni tal-karozzi, li jinkludu trakkijiet u spare parts, bħala studju dwar l-impatt tagħhom fuq is-sigurta` nazzjonali tal-Istati Uniti.

Fi tmiem ix-xahar ta’ Ġunju l-UE qalet li kienet lesta tiddiskuti dwar ftehim ta’ liberalizzazzjoni mit-tariffi fuq prodotti industrijali, li jinkludu karozzi u spare parts.