Martin Schulz, mexxej tas-Soċjal Demokratiċi fil-Ġermanja qed iħeġġeġ lil sħabu biex jimbottaw favur l-idea ta’ stati uniti tal-Ewropa sas-sena 2025. Schulz qed jipprova jħajjar lill-SPD jidħlu f’koalizzjoni ‘grandjuża’ ma’ Angela Merkel. Merkel hija xettika dwar il-proposta ta’ Schulz u tippreferi tikkonċentra fuq kooperazzjoni fid-difiża, ħolqien ta’ impjiegi u innovazzjoni sas-sena 2025.
Din il-ġimgħa l-Kungress tal-SPD se jiddeċiedi dwar il-proposta ta’ Schulz. Wara r-riżultat diżappuntanti fl-elezzjoni ta’ Settembru Schulz kien qal li jaqbel li l-SPD imur fl-Oppożizzjoni.
Il-fergħa taż-żgħażagħ tal-SPD ma taqbilx mal-koalizzjoni għax qed tirraġuna li jekk ikunu parti mill-gvern, l-Oppożizzjoni tkun iddominata mill-Partit tal-Lemin estrem(AfD) li fil-Ġermanja ġie vvotat bħala t-tielet l-akbar partit fl-elezzjonijiet ta’ Settembru. “Għandna responsabbilta` storika li ma nkunux parti mill-koalizzjoni grandjuża”, qed jgħidu ż-żgħażagħ tal-SPD.
Schulz huwa personalita` popolari u qed jitkellem favur aġenda soċjali fl-Ewropa.
“L-Ewropa mhux dejjem taħdem għaċ-ċittadini tagħha, aktar iva milli le taħdem favur il-kumpaniji l-kbar”, qal Schulz.
Jekk il-Kungress tal-SPD ma japprovax il-koalizzjoni ma’ Merkel, il-futur politiku ta’ Schulz ma jkunx ward u żahar.
L-akbar tama ta’ Merkel huwa li tifforma r-raba’ gvern ta’ koalizzjoni wara li fallew it-taħditiet mal-Ħodor u mal-Liberali Demokratiċi.
UĠIGĦ TA’ RAS GĦAŻ-ŻONA EWRO
Read MoreSCHULZ FAVUR STATI UNITI TAL-EWROPA
Read More€151 BILJUN MITLUFA ĦABBA FRODI FIL-VAT KULL SENA
Read MoreJAQBLU DWAR ID-DIVORZJU
Read MoreL-IRLANDA TIĠBOR IT-TAXXI DOVUTI MILL-KUMPANIJA APPLE
Read MoreTOKYO U L-UE JAQBLU DWAR KUMMERĊ ĦIELES
Read More FAVUR TRASPARENZA, KONTRA L-ARMONIZZAZZJONI FIT-TASSAZZJONI
Read MoreL-UKRENI FAVUR IN-NATO U SĦUBIJA FL-UE
Read More
Post a comment