DISKUSSI OSTAKLI GĦAL ŻONI REMOTI FL-UE

Il-Kummissjoni Ewropea se taffaċċja numru ta’ kwistjonijiet reġjonali wara l-vaganzi tas-Sajf. Dawn jinkludu ostakli għall-kooperazzjoni bejn l-istati membri u strateġija Ewropea għal żoni remoti tal-Unjoni Ewropea.

Fl-aħħar ta’ Settembru l-KE mistennija tipproponi soluzzjoni għan-nuqqas ta’ kooperazzjoni u ostakli bejn l-istati membri. Probabbilment fil-proposti se jkun hemm rakkomandazzjonijiet biss u mhux proposti leġiżlattivi.

Fl-aħħar ta’ Ottubru l-Kummissjoni mistennija tippreżenta strateġija dwar iż-żoni remoti tal-UE. Riċentement il-Parlament Ewropew approva rapport biex il-Kummissjoni tagħti aktar każ iż-żoni remoti skont ir-regoli tal-UE stess.

Fl-aħħar ta’ Settembru l-KE mistennija wkoll toħroġ tender għal proġett pilota dwar speċjalizzazzjoni teknoloġika.   Fl-istess perijodu l-Kummissjoni se tħabbar ir-riżultat ta’ proġett urban ġdid b’valur totali ta’ €50 miljun maqsum bejn tmintax-il proġett.